25 апр 2014 12:03Тоҷикистон / Иқтисодӣ

Боздошти ду масъули комиссариати ҳарбӣ ҳангоми озод намудани Турдибоев аз хидмат

Мақомот аз боздошти ду корманди комиссариати ҳарбӣ дар вилояти Суғд ҳангоми гирифтани ришва ба маблағи 5 ҳазор сомонӣ хабар доданд.

Тавре як манбаъ аз Комиссариати ҳарбии вилояти Суғд ба “Озодагон” гуфт, Лутфулло Ғайбуллоев -- иҷрокунандаи раҳбари комиссариати ҳарбии ноҳияи Шаҳристон ва Абдуқаҳҳор Абдуҷалилов -- ёрдамчии калони сардори шӯъбаи дуюми комиссариати ҳарбии вилояти Суғд ҳангоми гирифтани пора аз шаҳрванд Нодир Ҷабборов ба маблағи умумии 5 ҳазор сомонӣ бар ивази озод намудани даъватшаванда Турдибоев дастгир карда шудаанд.

Ин ҳодиса 4 апрели соли равон зимни амалиёти муштараки кормандони маъмурони амниятӣ ва Додситонии ҳарбии гарнизони Cуғд иттифоқ уфтодааст.

Ба қавли манбаъ, зимни тафтишоти пешакӣ маълум гаштааст, дастгиршудагон - Лутфулло Ғайбуллоев ва Абдуқаҳҳор Абдуҷалилов - тибқи маслиҳати пешакӣ мақсад доштаанд, бо роҳи сохтакорию ғайриқонунӣ даъватшаванда Турдибоевро аз хидмати ҳарбӣ озод намуда, 5 ҳазор сомониро миёни ҳам тақсим намоянд. “Вале ҳангоми ситонидани пора дар ҳаҷми 2 ҳазор сомонӣ ва 600 доллари амрикоӣ онҳо дастгир карда шуданд”,- илова намуд манбаъ.

Айни ҳол, аз ҷониби Додситонии ҳарбии гарнизони Суғд нисбат ба Лутфулло Ғайбуллоев бо моддаҳои 247 ва 319 ва нисбат ба Абдуқаҳҳор Абдуҷалилов бо моддаи 319-и Кодекси ҷиноии Тоҷикистон парванда боз гардида, тафтишот ҳамоно идома дорад.

Мӯҳр

Хабарҳои монанд:

Очень хорошо, посадите их. Но мало работаете на данный момент такие чиновники у нас достаточно много. Ищите, найдите и посадите их! В любом случае мы вас поддерживаем.

Ҷавоб диҳед Иқтибос Шикоят

Корафтода

Дуруст кайд кардед банда яке аз онхоро Абдукаххор Абдучалиловро хеле хуб мешиносам, ки бо лакаби "Кахорча" маъруф аст ва солхои дароз дар маком буду мардуми зиёди деха аз у зарар дида буданд бигзор чазояшро бинад. Дар давраи рохбари комиссариати харбии деха буданаш на шаб мегуфту на руз ба хонаи мардум даромада бачахоро дастгир мекард.

Ҷавоб диҳед Иқтибос Шикоят

Шер

Аз чойивазшавии чамъшавандахо хосили чамъ таъгир намеебад!

Ҷавоб диҳед Иқтибос Шикоят

Эзоҳ илова кунед