Қазоқистон мегӯяд, “Лентаи Георгий”-ро манъ накарда буд
Вазорати умури хориҷии Қазоқистон бо пахши баёнияе хабарҳо дар мавриди манъи бастани "Лентаи Георгий" бахшида ба Рӯзи ғалаба дар ин кишварро такзиб кард. Ин ниҳод гуфтааст, аксияи бастани ин лентаҳо мисли солҳои пешин дар Қазоқистон сурат гирифта, мақомот дар робита ягон монеае эҷод накардаанд.
Вазорати умури хориқии Қазоқистон мегӯяд, манбаи ин хабари бардурӯғ, ки дар расонаҳо пахш шудааст, танҳо шабакаҳои иҷтимоӣ мебошанд.
Дар арафи таҷлил аз 69-умин солгарди Иди ғалаба расонаҳои хабарӣ аз манъ шудани истифодаи "Лентаҳои Георгий" дар Қазоқистон аз сӯи мақомот хабар дода буданд. Ба иттилои манбаъ, гӯиё мақомоти қазоқ ба сокинон ба ҷои бастани ин лентаҳо лентаи дорои ду ранг, сурх ва фирӯзаранг дастур додаанд.
Расонаҳои хабарӣ далели манъи истифодаи лентаҳои Георгий дар Қазоқистонро нишонаи терроризм будани он аз ин ба баъд дар ҷанубу шарқи Украина маънидод карда буданд.
Лентаи Георгий ё худ “Георгиевская лента” лентаи дуранга ба ордени Георгий мебошад, ки сокинони кишварҳои пасошӯравӣ дар арафи таҷлил аз солгарди Рӯзи ғалаба дар Ҷанги бузурги ватанӣ мебанданд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |