Вуруди снайперҳои бесадо ба Тоҷикистон
Вазорати дифои Русия пойгоҳи низомии 201-умашро дар Тоҷикистон бо снайперҳои бесадои “Винторез” мусаллаҳ кардааст.
Тибқи иттилои ҳавзаи марказии низомии Русия силоҳи нави “Винторез” дар шароити куҳсори Тоҷикистон, ки ҳар тирпаронӣ чандин акси садо дорад, беҳамтост: “Акси садо дар шароити куҳсор эҳтимоли ошкор шудани гуруҳи кашшофиро бештар мекунад ва метавонад боиси фаромадани селу тарма шавад. Дар чунин шароит “Винторез” силоҳи мувофиқ аст.”
Муҷаҳҳазсозии пойгоҳи низомии 201-и Русия дар пасманзари хуруҷи нерӯҳои байналмилалӣ аз Афғонистон сурат гирифта истодааст. Қаблан пойгоҳи низомии 201-и Русия дар Тоҷикистон бо маҷмааи мутаҳаррики тирандозӣ маъруф ба “ПСО-Р”, дастгоҳи мушакии “Град”, дастгоҳҳои парвозкунанда ё худ ба истиллоҳ “беспилотники”-и навъи “Леер”, “Гранат”, “Застава” ва инчунин “Урал”-ҳои нав таъмин гардид.
Муҷаҳҳазсозии пойгоҳи 201-и Русия дар пасманзари хуруҷи нерӯҳои НАТО аз Афғонистон сурат гирифта, қаблан Сергей Шойгу, вазири мудофеаи Русия аз афзоиши ҳузури низомии кишвараш дар нуқтаҳои гуногуни ҷаҳон хабар дод. Ӯ аз ҷумла таъкид намуд, ки пойгоҳи 201-ум дар Тоҷикистон аз ҳайати бригадавӣ ба ҳайати дивизионӣ мегузарад. Коршиносони умури ҳарбӣ мегӯянд, гузаштан ба ҳайати дивизионӣ афзоиши теъдоди низомиёнро дар назар дорад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |