Дархости намояндаи аҳли суннати Эрон аз шоҳи Саудӣ
Мавлавӣ Абдулҳамиди Исмоилзиҳӣ, имом-хатиби масҷиди Маккии Зоҳидони Эрон бо ирсоли номае ба унвони Абдуллоҳ ибн Абдулазиз Оли Сауд, шоҳи Арабистони Саудӣ хостори лағви ҳукми эъдоми шайх Намр Боқир Аннамр шудааст.
Шайх Намр, донишманди шиамазҳаби Арабистони Саудӣ аст, ки дар таҳрики сокинон ба ҷудоихоҳӣ айбдор шуда, охири ҳафтаи гузашта Додгоҳи таҷдиди назари Риёз ҳукми эъдоми ӯро баровард.
Дар номаи имоми аҳли суннати Зоҳидон ба шоҳи Сауд аз ҷумла омадааст, “бо таваҷҷуҳ ба ин ки душманони Ислом ҳамвора фурсат меҷӯяд, то оташи фитна миёни кишварҳои исломӣ барангезанду аз оби гилолуд моҳӣ бигиранд, банда ҳамчун намояндаи уламои аҳли суннати Эрон аз Шумо лағви ин ҳукмро хоҳиш дорам.”
Мавлавӣ Исмоилзиҳӣ дар идома бекор кардани ҳукми эъдом алайҳи Аннамро омили таҳкими ваҳдат ва бародарии мусулмонон дониста, таъкид кардааст, ки ин иқдом паёмадҳои мусбатеро дар пай дошта, аҳдофи бади душманони Исломро, ки мехоҳанд, ба оташи ҷанги мазҳабӣ миёни мусулмонон равған резанд, нақше бар об созад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |