АКС: Истодагарии воҳидҳои таъиноти махсуси ВКД ва “Алфа”-и Кумитаи амнияти миллӣ дар Ромит
Вазорати умури дохилии Тоҷикистон аз анҷоми машқҳои муштараки махсуси тактикӣ-низомӣ бо иштироки ҳайати шахсии воҳидҳои махсуси Вазорати корҳои дохилӣ, Раёсати қӯшунҳои дохилӣ, воҳидҳои таъиноти махсуси гуруҳи “Алфа”-и Кумитаи давлатии амнияти миллӣ, Агентии назорати маводи нашъадор ва дигар ҷузъу томҳои ёрирасони ВУД хабар медиҳад.
Ба иттилои манбаъ, ин машқҳо дар маркази таълимии “Мағоб”-и Вазорати умури дохилӣ, воқеъ дар минтақаи Ромити ноҳияи Ваҳдат баргузор шудааст: “Ҳадаф аз баргузории чунин машқҳои муштарак пеш аз ҳама баланд бардоштани маҳорати касбии кормандони воҳидҳои таъиноти махсуси Вазорати корҳои дохилӣ ва дигар сохторҳои қудратии Тоҷикистон, дар амал такмил додани донишу малакаи роҳбарии командирон оид ба сафарбаркунию усулҳои банақшагирии чорабиниҳои дастаҷамъона дар шароити кӯҳсор, тақвият додани мубориза оид ба безарар ва несту нобуд сохтани гуруҳҳои муташаккили ҷиноятпеша ва террористӣ иборат буд”.
Манбаъ меафзояд, хусусияти фарқкунандаи машқҳои тактикӣ-низомии навбатӣ дар ин дараи мушкилгузар ва дорои релефи гуногун дар он буд, ки дар ин рӯз шамоли сарди минтақаи кӯҳсорро борони беист иваз намуд, туман ҳама ҷоро иҳота намуд, “новобаста ба ин шароити номусоиди боду ҳаво, иштирокчиёни машқҳо тавонистанд аз иҷрои вазифаҳои ба зиммадоштаашон бо сарбаландӣ баромада, то охири амалиёт истодагарӣ намоянд”.
Ҷараёни баргузории машқҳои тактикӣ-низомиро Раҳимзода Рамазон Ҳамро, вазири корҳои дохилӣ назорат бурда, дар поёни тамринҳо гуруҳе аз иштирокдоронро бо Бо нишонҳои сарисинагии “Барои хизматҳои аъло дар ВКД”; “Аълочии милитсия”; нишони “Барои хизмати шоён”-и дараҷаи 3 ва раҳматномаву ифтихорнома қадр кардааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |