Ҳукми қатли се ҷангҷӯ аз Осиёи Марказӣ дар Сурия
Се шаҳрванди Қирғизистон ба хотири ҳамдасти бо гуруҳи террористии “Давлати исломӣ” ва маъруф ба ДИИШ дар Сурия ҳукми қатл гирифтаанд.
Майрамбек Расулов, вакили парлумони Қирғизистон аз фраксияи Ҳизби “Ору Номус” зимни як ҷаласаи парлумонӣ дар ин бора иттилоъ додааст. Ба гуфтаи ӯ, ин се шаҳрванди Қирғизистон, ки аз сӯи ҳукумати Сурия маҳкум ба эъдом шудаанд, дар зиндонҳои ин кишвар нигаҳдорӣ мешаванд.
Ин намояндаи мардумии қирғиз мегӯяд, бар асоси омори расмӣ ҳоло дар ҷангҳои Сурия ҳудуди 500 шаҳрванди Қирғизистон иштирок доранд, ки миёни онҳо занони бордор низ ҳастанд.
Дар ҳамин ҳол, Дамира Ниёзалиева, вакили дигари парлумони Қирғизистон аз ҳукумати кишвараш хостааст, дар робита ба сафари ҷавонон ба хориҷ маҳдудиятҳо эҷод карда, рафтани ҷавонони бидуни маълумоти олиро ба хориҷ аз ватан манъ кунад.
Маҳкум ба қатл шудани се шаҳрванди Қирғизистон аз сӯи ҳукумати Башшор Асад дар Сурия дар ҳолест, ки ахиран ДИИШ беш аз 100 ҷангҷӯи хориҷии худро ба хотири гурез аз саффи ҷанг эъдом кард.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |