Русский  >>  فارسی  >>  Шанбе 8 май 2021, 03:21

Қасди “подстава”-и сарроф: 24 $ дода 60 000 $ ситонданӣ шудаанд

9 январ 2015, 11:18

Вазорати умури дохилии Тоҷикистон аз боздошти як гуруҳи муташаккили ҷиноӣ хабар дод, ки баробари “роҳзаниҳо” дар бозори Корвон инчунин ният доштаанд, як саррофи ноҳияи Рӯдакиро ба истиллоҳ “подстава” кунанд.

Ба иттилои манбаъ ин гуруҳи муттаҳам дар роҳзанӣ ва тақаллубкорӣ даромади зиёди Муродҷон Хурсандов, саррофи 31-сола аз ноҳияи Рӯдакиро дида, нақшаи фиреби ӯро кашидаанд. ВКД мегӯяд, афроди боздоштшуда - Шоев, Ҳакимов, Олимов ва Дустмурод Гулматов ҳамагӣ сокинони ноҳияи Ёвон буда, ба Хурсандов бандчаҳои тақаллубӣ, ки ҳамагӣ 24 доллар доштааст, дода баъди амалӣ намудани нақшаашон нияти гирифтани 60 ҳазор доллари амрикоиро доштаанд: “Ин гуруҳ оми 22 декабри соли гузашта бо 24 доллари амрикоӣ бандчаҳои пулии тақаллубиеро, ки гӯиё 60 ҳазор долларро дар бар мегирад, барои нигоҳдории муваққатӣ ба сарроф - Муродҷон Хурсандови 31-сола, сокини ноҳияи Рӯдакӣ додаанд. Чун шинос будаанд, Хурсандов низ бовар карда, гирифтааст. Баъди гирифтан ва сӯи хона равон шудани сарроф ду нафар узви гуруҳ ӯро дар охири кӯча, минтақаи торикӣ аз по зада, бандчаҳои долларо медузданд.”

Вазорати умури дохилии кишвар мегӯяд, дар натиҷа дастандаркорон ният доштанд, аз Хурсандов 60 ҳазор долларро ситонанд, аммо дар пайи амалиёти фаврӣ-ҷустуҷӯӣ ҷинояташон ошкор гардида, ҳамаашон боздошт шуданд. Манбаъ мегӯяд, феълан алайҳи аъзои гуруҳи аз рӯи моддаи 249 парвандаи ҷиноӣ боз шуда, тафтишот идома дорад.


Шарҳи худро бинависед:

Ном:*
E-Mail:
Матни шарҳ:
Посух додан
  • точик

  • 9 январ 2015 11:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пеши рохи чиноятро гирифтан бо чои кор таъмин кардани чавонон ва дар умум мардум аст, вакте чои кор нест ингуна дуздию хилаву найранг зиёд мешавад ва боз кормандони макомот хурсанд мешаванд ки мо чинояткоронро ёфтем?! Илочи вокеъа пеш аз вукуъ гуфтаанд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!