23 янв 2015 15:33Тоҷикистон / Иҷтимоӣ

ФМС теъдоди дақиқи муҳоҷирони тоҷик дар Русияро эълон кард

Хадамоти федеролии муҳоҷирати Русия (ФМС) шумораи нави муҳоҷирони меҳнатӣ аз кишварҳои хориҷ дар қаламрави ин кишварро эълон карда, теъдоди шаҳрвандони Тоҷикистонро наздик ба 1 миллион нафар гуфтааст.

Ба иттилои дафтари матбуоти ин ниҳод, ҳоло дар қаламрави Русия 999 ҳазору 132 шаҳрванди Тоҷикистон ҳузур доранд, ки 182 ҳазору 262 нафари онҳо занонанд: “Аз ин нишондод 95 ҳазору 396 тан ноболиғ, 4 168 нафар афроди аз 60-сола боло мебошад.”

Ин дар ҳолест, ки қаблан Шермуҳаммади Шоҳиён, раиси Комиссияи марказии интихобот ва раъйпурсии Тоҷикистон омори ҳузури як миллионнафараи муҳоҷири кории тоҷик дар Русияро дурӯғ хонда, гуфта буд, тибқи иттилои онҳо дар 11 моҳи соли равон аз Тоҷикистон 630 ҳазор нафар ба хориҷи кишвар сафар кардаанд, ки аз ин ҳудуди 400 ҳазор нафарашон баргаштаанд: “Муҳоҷирони меҳнатии мо мавсимӣ сафар мекунанд. Чун интихобот дар парлумон 1-уми марти соли 2015, яъне зимистон баргузор мешавад, дар ин вақт аксари муҳоҷирон ба Ватан бармегарданд ва озодона метавонанд, дар интихобот ширкат кунанд."

Масъулини Хадамоти федеролии муҳоҷирати Русия мегӯянд, теъдоди шаҳрвандони Тоҷикистон дар ин кишвар нисбат ба 1 июни соли гузашта 15 дарсад коҳиш ёфтааст.

Тибқи омори ФМС ҳоло дар қаламрави Русия 2 миллиону 215 ҳазору 780 шаҳрванди Узбакистон зиндагӣ мекунад, ки аз миёни онҳо 418 368 нафарашон зан аст. Теъдоди муҳоҷирони меҳнатии Қирғизистон дар Русия 544 ҳазору 956 нафар ( 220 400 зан) эълон шудааст.

Мӯҳр

Хабарҳои монанд:

Исфара

Инро ба шермухаммади шохиён бояд гуфт!

Ҷавоб диҳед Иқтибос Шикоят

Abdulaziz_

Salom Ozodagon!!!
Dar haqiqatan ma'lumoti omorii FMS 100% durust buda nametavonad, chunki har shahrvandi Tojikiston, ki ba Rossia safar kunad (hamchun donishju, safari kori, bo maqsadi tabobat yo istirohat) ba u hatman kartochkai immigratsioni medihand va ma'lumot dar borai u ba FMS hamchun muhojir ravon karda meshavad. Az in lihoz ma'lumoti Xadamoti Muhojirati Rossiya chandon dakik nest. Balki intishori chunin ma'lumot dar borai muhojiron az digar davlatho dar Federatsiyayi Rossiya zaminai siyosi dorad baroi fishor ovardan boloi hukumathoi digar davlatho.

Ҷавоб диҳед Иқтибос Шикоят

jak

Падар

Ҷавоб диҳед Иқтибос Шикоят

Эзоҳ илова кунед