Омбудсмен: Дар қазияи Шуҳрат Қудратов бетараф нестем (ВИДЕО)
Зариф Ализода, омбудсмен ва ё Ваколатдор оид ба ҳуқуқи инсон дар Тоҷикистон имрӯз, 29-уми январ зимни нишасти матбуотӣ дар Душанбе гуфт, қазияи Шуҳрат Қудратов, вакили дифои Зайд Саидовро аз рӯзи боздошташ пайгирӣ дорад.
Ализода гуфт, феълан дар мавриди парвандаи Қудратов ба Суди олӣ шикояти кассатсионӣ бурда шудааст: “Мо дар канор нестем. Албатта ин дар салоҳияти суд аст, аммо мо ҳам мусоидат мекунем, он ваҷҳҳое, ки аз ҷониби Раҳматилло Зоиров, вакили дифои Шуҳрат Қудратов пешниҳод шудаанд, дар марҳилаи болоӣ мавриди баррасӣ қарор гиранд.”
ВИДЕОИ суҳбати Ализода дар мавриди Қудратов
Шуҳрат Қудратов, ки шаш моҳ мешавад, дар боздошт аст, 13 январи соли равон аз ҷониби Тоҳирбек Мусобекзода, додраси додгоҳи шаҳри Душанбе ба 9 соли зиндони низомаш сахт маҳкум шуд. Мусобекзода зимни эълони ҳукм изҳор дошт, бо назардошти қонуни афв аз се як ҳиссаи муҳлати ҷазои Қудратов кам шуд ва аз рӯи ҳар ду парвандаи ҷиноӣ - қаллобӣ ва фасодкорӣ дар маҷмуъ 9 сол аз озодӣ маҳрум гардид. Инчунин тибқи қарори додгоҳ баъди адои ҷазо Қудратов ду сол ҳаққи фаъолияти адвокатиро нахоҳад дошт. Раисикунандаи мурофиа изҳор дошт, ин ҳукм бо назардошти ҳолатҳои сабуккунанда, аз ҷумла бори аввал даст ба ҷиноят задани маҳкумшуда ва фарзандони ноболиғаш содир шудааст.
Ин ҳукм вокиниши шадиде миёни ҳомиёни ҳуқуқи башар ба вуҷуд оварда, созмонҳои байналмилалӣ онро сиёсӣ ва нақши ҳукумати иҷрияро дар он калидӣ хонданд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |