Аҳтам Абдуллозода ба ҷавонон: Ба боварии раисиҷумҳур сазовор бошед
Аҳтам Абдуллозода, раиси Кумитаи ҷавонон, варзиш ва сайёҳии назди ҳукумати Тоҷикистон аз ҷавонон даъват кардааст, ба боварии райисиҷумҳур Эмомалӣ Раҳмон сазовор бошанд.
Ҷаноби Абдуллозода ин нуктаро рӯзи 13 феврал зимни шарҳи паёми раисиҷумҳури Тоҷикистон ба ҷавонон, аҳли ҷамоатчигӣ, имом-хатибҳо, намояндагони мақомоти қудратӣ ва омӯзгорону аҳли зиёи ноҳияи Ҳисор иброз доштааст. Наврӯз Қурбонов, як масъули бахши иттилооти Кумита ба “Озодагон” гуфт, Аҳтам Абдуллозода дар ин мулоқот паёми президентро ҳуҷҷати ниҳоят муҳим ва тақдирсоз барои тамоми қишрҳои ҷомеа унвон карда, изҳор доштааст, паём қабл аз ҳама барои ҷавонон як роҳнамои роҳи росту бенуқсон ва хиради воло мебошад.
Манбаъ мегӯяд, раиси Кумита таъкид кардааст, эътимоди раисиҷумҳури кишвар ба ҷавонон масъулияти онҳоро бештар месозад: “Боварии роҳбари давлат ба ҷавонон масъулияти моро дучанд намуда, аз мо талаб карда мешавад, ки бештар ба мутолиа машғул гардида, босаводу соҳибмаърифат бошем. Эҳтироми волидайнро ба ҷо оварда, Ватани азизи худ - Тоҷикистонро дӯст дорем”.
Ҷаноби Абдуллозода дар идомаи суҳбаташ ба масоили вайрон гардидани оилаҳои ҷавон, никоҳи хешутаборӣ ва гаравидани ҷавонон ба ҳизбу ҳаракатҳои иртиҷоӣ низ дахл карда, аз пош хӯрдани оилаҳои ҷавон изҳори нигаронӣ намудааст. Ӯ яке аз сабабҳои аз ҳам пошидани оилаҳои ҷавонро омода набудани онҳо ба ҳаёти мустақилона арзёбӣ кардааст: “Оила бояд поянда ва бардавом бошад. Танҳо дар соли 2014, 95 ҳазор оила бунёд гардида, аз он тақрибан 9 ҳазорашон вайрон шуданд. Яке аз сабабҳо омода набудани ҷавонон ба ҳаёти мустақилона аст. Аз ин рӯ аз шумо хоҳиш карда мешавад, ки пайваста дар пайи ҷустуҷӯи илм бошед ва тарбияро аз калонсолон гирифта, ҳаёти мустақилонаи хешро устувор намоед”.
Раиси Кумита аз ҷавонон даъват кардааст, то айёми ҷавониро бомаврид истифода намуда, ба таблиғу ақидаҳои баъзе гуруҳҳо, ки бо мақсаду ҳадафҳои носолим қисме аз ҷавонони ноогоҳро ба худ ҷалб намуда, аз онҳо истифода менамоянд, дода нашаванд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |