Барканории ҳамаи муовинони Абдуфаттоҳи Ғоиб
Дар пайи интиқоди Эмомалӣ Раҳмон, раисиҷумҳури Тоҷикистон аз фаъолияти Оҷонсии зидди фасоди молӣ имрӯз, 18 феврал дар ин ниҳод тағйироти кадрӣ сурат гирифт.
Тибқи иттилои дафтари матбуоти раисиҷумҳури Тоҷикистон бо дастури Эмомалӣ Раҳмон, муовини якуми директори Агентии назорати давлатии молиявӣ ва мубориза бо коррупсия -- Тоҳир Ҷобирзода, муовинҳои директори Агентии назорати давлатии молиявӣ ва мубориза бо коррупсия -- Раҷабалӣ Ширинов ва Миллопар Бандишозода аз вазифаҳои худ сабукдуш гардиданд.
Эмомалӣ Раҳмон дар ҷаласаи Шӯрои амният аз камбудиҳои Агентии назорати давлатии молиявӣ ва мубориза бо коррупсия интиқод намуда буд: “Махсусан, аз тарафи кормандони ин ниҳод содир кардани ҳуқуқвайронкуниҳо, аз ҷумла кирдорҳои коррупсионӣ боиси нигаронист. Аз ҷониби кормандон риоя нашудани муҳлатҳои муқарраршуда ва бидуни тамдиди мӯҳлат кашол додани санҷиш ба мушоҳида мерасад. Инчунин, аз ҷониби кормандон риоя нашудани муҳлатҳои муқарраршуда ва бидуни тамдиди мӯҳлат кашол додани санҷиш ба мушоҳида мерасад. Масалан, санҷиш дар иншооти обрасонӣ ва пойгоҳҳои обкашии ноҳияи Зафаробод аз муҳлати муқарраршуда 30 рӯз зиёд, Идораи сохтмони асосии Вазорати тандурустӣ 27 рӯз, Донишкадаи такмили ихтисоси баъдидипломии кормандони тиббии Вазорати тандурустӣ 28 рӯз зиёд кашол ёфтааст. Ҳамчунин, ҳодисаҳое низ ошкор карда шудаанд, ки мутахассисон бархилофи талаботи нақшаи корӣ ва фармони роҳбарияти Агентӣ фаъолияти субъектҳоеро мавриди тафтишу санҷиш қарор додаанд, ки дар нақша ё фармон пешбинӣ нашудааст. Ҳолатҳое ҷой доранд, ки ҳангоми санҷишҳои молиявӣ қонунвайронкуниҳои ҷиддӣ, аз қабили камомад ва тасарруфи воситаҳои пулию молӣ ошкор гардидаанд, вале маводи санҷишӣ барои додани баҳои ҳуқуқӣ ва қабули қарори қонунӣ ба мақомоти ҳифзи ҳуқуқ ирсол карда нашудааст”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |