05 мар 2015 16:07Тоҷикистон / Иҷтимоӣ / Тема дня

АКС: Бедарак шудани боз як духтари 17-сола дар Душанбе

Оиша Раҳматова, сокини 17-солаи ноҳияи Рудакӣ як ҳафта пеш аз хонааш баромада бедарак шудааст. Наздиконаш мегӯянд, охирин бор ӯро дар маҳаллаи Қарияи болои шаҳри Душанбе дидаанд.

Руқия Раҳматова, модари Оиша рӯзи 5 март дар суҳбат бо “Озодагон” гуфт, духтараш 28 феврал аз хона берун рафта, то ҳол барнагаштааст. Ба гуфтаи ӯ, баъд аз нашру паҳни эълон бархе аз сокинон занг зада, гуфтаанд, Оишаро дар маҳаллаи Қарияи болои шаҳри Душанбе дидаанд.

Раҳматова мегӯяд, дар робита ба гумшавии Оиша ба мақомоти пулис низ муроҷиат кардааст, вале то кунун дар бораи макони будубоши духтараш иттилое рӯи даст надоранд.

Хонум Раҳматова аз сокинон хоҳиш дорад, агар дар бораи макони будубоши Оиша иттилое доранд ё ӯро ҷое дидаанд, бо рақамҳои 915 24 08 24 занг зананд.

Ин дар ҳолест, ки рӯзи 23 феврали соли равон дафтари матбуоти Вазорати умури дохилии Тоҷикистон аз гум шудани се духтар аз 17 то 20-сола дар давоми се рӯз хабар дода буд.

Тибқи иттилои ин ниҳод ба шуъбаи умури дохилӣ дар шаҳри Қӯрғонтеппа санаи 20-уми феврали соли равон, соати 12:00 Акрамова Насиба соли таваллудаш 1996, аз хона баромада то ҳол барнагаштааст. Санаи 18-уми феврал, соати 18.40-дақиқа Муллоева Дилфуза соли таваллудаш 1995, аз хона баромада бедарак шудааст. Ҳолати сеюми гумшавии духтари ҷавон дар шаҳри Истаравшан ба қайд гирифта шуда, ки истиқоматкунандаи ҷамоати деҳоти Гули Сурх - Ганҷинаи Икромзод соли таваллудаш 1998 санаи 19-уми феврал, соати 10:00-дақиқа аз хона баромада то ҳол барнагаштааст.

Мӯҳр

Хабарҳои монанд:

Точики асил

Ин як мусибати умуми милли аст.
Наход Духтарони Точик дар ватани худашон нопадид шаванд?????
Макомот ба чи кор машгуланд?
Худованд ин миллати хорию, азияткашидаро худаш нигах дорад.

Ҷавоб диҳед Иқтибос Шикоят

комунист

иннолиллох ва инно илайхи рочиун

Ҷавоб диҳед Иқтибос Шикоят

рукия модари оиша

Аввалан ба шумо миннатдории худро баен карда аз шумо илтимос дорам , ки харчи бисертар пайдархам эълон кунед шояд, ки ефт шавад.

Ҷавоб диҳед Иқтибос Шикоят

Эзоҳ илова кунед