Бахшҳо

Тарс аз ДИИШ барои соҳиб шудан ба назорати марзи Тоҷикистон аст?

А. ЗАРИФӢ

Муовини вазири дифои Русия -- Анатолий Антонов дар як нишасти хабарӣ гуфтааст, “Давлати исломӣ” аз ҳама беш ба Тоҷикистон таҳдид мекунад. Ин ҳушдори мақомдори рус дар ҳоле садо медиҳад, ки ҳарфи “хатари таҳдиди “Давлати исломӣ” ба Тоҷикистон” аз забони бархе мақомоти Тоҷикистон низ матраҳ шуда буд.


Коршиносони тоҷик хатари таҳдиди “Давлати исломӣ” ё “ДИИШ”-ро инкор намекунанд, аммо ба ин шакл бузург нишон додани хатари он аз сӯи мақомоти русро беманифати Русия намедонанд. Бархе коршиносон аз ин фаротар мераванд ва таъкид мекунанд, ки Русия бо бузург нишон додани хатари “ДИИШ” мехоҳад контроли марзро дар ихтиёр гирад.

Таҳлилгари тоҷик Сафват Бурҳонов мегӯяд, дар Афғонистон дӯстони зиёде дорад ва онҳо гуфтаанд, ҳеч таҳдид аз Афғонистон ба Тоҷикистон вуҷуд надорад. Ба таъкиди ӯ, “ин дасисаи Кремл барои тарсондани ҳукумати Тоҷикистон ва муфт марзро гирифтан аст. Ҳукумати Тоҷикистон набояд аз ин дасиса тарсад. Ба ин фитнаҳо бояд одат карда бошанд. Ҳар гоҳе, ки сухан аз марзу Роғуну алюмин пайдо шуд, Кремл дарҳол дар Афғонистон ё Толиб ё “ДИИШ” меёбад”.

Ин коршинос дар идома меафзояд, Тоҷикистон бояд дар ин маврид иттилои дақиқ дошта бошад: “Иттилои президенти Тоҷикистон бар асоси ахбори разведка сурат мегирад. Разведка бошад, тақрибан дар баланси Русия буда, ба манфиати Кремл президенти Тоҷикистонро шояд дезинформатсия мекунад. Президент бояд дар ин росто сарчашмаҳои муътамади худро дошта бошад ва ба ахбори бардурӯғ фирефта нашавад”.

Аммо коршиноси масоили сиёсӣ -- Ҳикматуллоҳ Сайфуллоҳзода ҳушдори генерали рус дар робита ба таҳдидҳо аз он сӯи марзро паёми ҷиддӣ, вале ҳадафмандона медонад. Ба гуфтаи ӯ, “ба ҳар ҳол, масъалаи вуҷуд ва дурнамои "Давлати исломӣ" ба як баҳси байналмилалӣ табдил ёфтааст, ҳатто депутати Бундестаг аз сарвазири Олмон интиқод мекунад, ки чаро масъалаи "Давлати исломӣ"-ро аз “Ал-қоида” ҷудо медонанд ва алайҳи онҳое ки ин гуна ташкилотсозӣ мекунанд, иқдом ё садое баланд намекунад”.

Дар идома Ҳикматуллоҳ Сайфуллоҳзода таъкид мекунад, “вақте масъалагузорӣ ба ин тарз аст, қудратҳои дигар бо василаи ҳушдор додан аз вуҷуди чунин гуруҳҳо ҷои пои нав пайдо кардан мехоҳанд”. Вале ин коршинос таъкид мекунад, ки таҳдидҳои “Давлати исломӣ”-ро касе инкор карда наметавонад.

Коршиносони дигар бар ин нукта таъкид мекунанд, ки “ДИИШ” дар Тоҷикистон наметавонад пойгоҳи мустаҳкаме пайдо кунад, чун мардум инҷо аз мардуми Афғонистон фарқ мекунанд. Вобаста ба ин масъала, Темур Варқӣ мегӯяд: “Дар Тоҷикистон барои дифоъ аз худ дар баробари гуруҳҳои террористии хурд ба андозаи кофӣ силоҳу қувва мавҷуд аст. Ба фарқ аз Афғонистон онҳо дар ягон минтақаи кишвар ҳимояи аҳолиро ба даст намеоранд”,- меафзояд ин коршинос.

Зуҳури “Давлати исломӣ” дар Афғонистонро мақомоти ин кишвар рад намекунанд. Чанд ҳафта пеш як фармондеҳи маҳалии гуруҳи террористии “ДИИШ” аз тарафи неруҳои низомии Афғонистон ба қатл расид. Аз ин нигоҳ коршиносон вуҷуди таҳдидҳо аз сӯи Афғонистон ба Тоҷикистонро рад намекунанд, аммо мегӯянд, Тоҷикистон дар муқобили ин таҳдидҳо метавонад мубориза барад.

Иззат Амон, як соҳибназари тоҷик таъкид мекунад, мақсади мақомоти рус аз ин шоеъапароканӣ ба даст овардани назорати марзи Тоҷикистон мебошад. Вале ба гуфтаи ӯ таҳдиди аслӣ ба ояндаи Тоҷикистон аз дигарҷо сарчама мегирад. Иззат Амон мегӯяд: “Ба давлати Тоҷикистон пеш аз ҳама фасод, хешу таборбозӣ, поймол шудани ҳуқуқи инсон, бекорию бечорагию камбағалӣ таҳдид мекунад, ки метавонад теша ба реша бизанад”.

Дар хотима бояд қайд кард, ки ҳарчанд ҳушдори низомии рус ҳадафмандона бошад ҳам, набояд онро содда пиндошт ва барои ҳифзи амнияти кишвар омода бояд буд.
Мӯҳр
Навруз
Ҳар касе аз мақомоти Тоҷикистон дар бораи хатари ин ташкилот мегӯяд душмани тоҷику Тоҷикистон аст ва лоббии Россия аст. Хатари набударо номашро, ки гирифти ташкилаш мекунанд. Ҳамон рус худаш ташкил мекунад дар марзи мо нотинҷиро. Чӣ даркор аст марза ба душман додан? Як бор баромади Путина оид ба Қрим тамошо кунед. Мегӯяд: аз рӯи шартномае, ки мо доштем ҳузури ҳарбиёнамон то 20 ҳазор нафар буд. Мо аз ҳамонҳо истифода бурдем. Фикр мекунед ҳамон марзбононашон ба мо хатар надоранд? аз ҳамон доиша ино хатаршон зиёдтар аст.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)