Назарзода: Хориҷиёнро ба Бадахшон роҳ намедиҳем, то замоне, ки...
Ризо Назарзода, муовини раиси Кумитаи ҷавонон варзиш ва сайёҳии Тоҷикистон мегӯяд, манъи сафари сайёҳони хориҷӣ ба Бадахшон замоне бекор мешавад, ки амнияти онҳо пурра кафолат дода шавад.
Назарзода 15-уми май дар суҳбат бо “Озодагон” гуфт, маҳдудияти сафари хориҷиён ба Бадахшон то замоне, ки мақомоти амниятӣ нагӯянд, вазъ дар Бадахшони Афғонистон ором аст, боқӣ хоҳад монд: “Мо ҳам хоҳони онем, ки вазъ хуб бошаду сайёҳон ҳарчӣ бештар ба Бадахшон раванд. Ин иқтисодиёт аст, нони мардум аст. Аммо аз ҷониби дигар ин ҷо манфиати миллӣ ва амнияти сайёҳ аст. Вақте мо барои сайёҳ раводид медиҳем, масъули амнияти ӯ дар дохили кишварем. Мо умед дорем, ки вазъ ба зудӣ дар Бадахшони Афғонистон муътадил мешавад ва мо барои сайёҳон иҷозаи сафар ба Бадахшон хоҳем дод”.
Ин дар ҳолест, ки тибқи иттилои бархе аз расонаҳои Афғонистон ҳудуди 9 ноҳия дар минтақаи Бадахшони ин кишвар ба дасти террористҳо гузаштаанд.
Ин нооромиҳо ба сайёҳӣ дар Тоҷикистон дар ҳоле таъсир гузоштаанд, ки соли равон ба иттилои масъулини Кумитаи ҷавонон, варзиш ва сайёҳӣ теъдоди сайёҳони воридшуда ба кишвар дар муқоиса бо ҳамин давраи соли гузашта, 36 ҳазор нафар зиёд шудааст ва бисёри сайёҳон ба Тоҷикистон ба хотири боздид аз Бадахшон меоянд.
Инчунин “National Geographic” маҷаллаи маъруфи ҷаҳонӣ дар шумораи ҷадидаш номи 10 ҷойи беҳтарин барои истироҳат дар қаламрави собиқ Иттиҳоди шӯравиро ба нашр расонда, Помири Тоҷикистонро ба сегонаи беҳтарин ҷойҳои собиқ СССР барои истироҳат ворид кардаааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |