29 май 2015 16:01Тоҷикистон / Дин ва зиндагӣ
Абдулқодирзода: Ягон мулло ба “ДИИШ” нарафтааст, зеро...
Раиси Шӯрои уламои кишвар рӯзи 29 май дар хутбаи намози ҷумъа дар Масҷиди марказии шаҳри Душанбе гуфт, ин “хилофат”-ро абарқудратҳо барои тахрибу валангор кардан ва соҳиб шудани тамоми сарватҳои сарзамини мусулмоннишин ташкил кардаанд.
Абдулқодирзода аз пайвастани бархе ҷавонони тоҷик ба саффи ин гуруҳи террористӣ нигаронӣ карда, бори дигар таъкид кард, ки маҳз ноогоҳии динӣ боис шудааст, имрӯз шаҳрвандони Тоҷикистон ба Сурияву Ироқ мераванд: “Боре шунидаед, ки ягон мулло ё имоми масҷид ба ин гуруҳ пайваста бошад? Не, чун огаҳанд. Абарқудратҳо бо ворид кардани калимаи Ислом ба номи ин созмон ҷавонони моро ҷалбу қурбони манфиатҳои худ мекунанд. Албатта, зери таъсири таблиғоти онҳо касоне қарор мегиранд, ки содалавҳу бедонишанд. Ин гуна гуруҳу ҳаракат ва созмонҳо аз аввали пайдоиши Ислом буду то охир мемонад. Яке вожаи Исломро дар номи ҳизбашу дигаре дар номи ҳаракаташ ворид карда, аз он муғризона сӯиистифода мекунад. Агар бидуни он барои дуздидани сарвату боигариҳои як кишвар нафаре ҷавононро даъват кунад, касе намеравад, вале вақте Исломро сипар қарор медиҳад, аз бефарҳангӣ ва камдонишии бархе ҷавонони мо хуб истифода мекунанд”.
Абдулқодирзода бори дигар аз ҷавонони кишвар даъват кард, ба ҳарфҳои пайравони ин созмон гӯш надиҳанду аз падару модарони тоҷик хоҳиш кард, дар тарбия фарзандонашон масъулияти бештар эҳсос кунанд.
Ин даъвату таъкидҳои Абдулқодирзода дар ҳолест, ки ахиран полковник Гулмурод Ҳалимов, сардори дастаи таъиноти махсус ё худ “ОМОН”-и Вазорати умури дохилии Тоҷикистон, ки чанд ҳафта пеш ғайб зада буд, аз пайвастани худ ба саффи ДИИШ дарак дод. Ӯ дар навори видеоие бо либоси сиёҳ, ки хоси ҷангҷӯёни гуруҳи ДИИШ мебошад, пайдо шуда иддао мекунад, ки бо ҳамроҳонаш барои барқарор кардани хилофат ба Тоҷикистону Хуросон бармегардад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
