Пуштибонии дабири кулли СММ ва сарвазирони Покистону Қирғизистон аз пешниҳоди Э.Раҳмон
Пан Ги Мун, дабири кулли Созмони Милали Муттаҳид пешниҳоди Эмомалӣ Раҳмон, раисиҷумҳури Тоҷикистонро барои эълон гардидани даҳсолаи нави байналмилалӣ таҳти шиори “Об барои рушди устувор” дастгирӣ кардааст.
Дафтари матбуоти раисиҷумҳури Тоҷикистон мегӯяд, Пан Ги Мун дар баробари дастгирии ин пешниҳоди Эмомалӣ Раҳмон, ҳамчунин ба ташаббусҳои Тоҷикистон ва пешсафии он дар баррасии глобалии масоили вобаста ба об баҳои баланд дод.
Эмомалӣ Раҳмон, раисиҷумҳури Тоҷикистон зимни суханронӣ дар Конфронси байналмилалии сатҳи баланд доир ба раванди татбиқи амалии Даҳсолаи байналмилалии амалиёти “Об барои ҳаёт” дар солҳои 2005-2015 пешниҳод кард, барои 10 соли оянда даҳсолаи нави байналмилӣ таҳти шиори “Об барои рушди устувор” эълон шавад. Аз ин пешниҳоди президенти Тоҷикистон Навоз Шарифу Темур Сариев, нахуствазирони Покистон ва Қирғизистон ҳам ҳимоят кардаанд.
Конфронси натиҷагирӣ аз даҳсолаи “Об барои ҳаёт 2005-2015” субҳи имрӯз, 9 июн дар Кохи Сомон, бустонсарои шаҳрии Ҳукумати Тоҷикистон оғоз ба кор кард ва то 11 июн идома меёбад. Ба иттилои дафтари матбуотии президенти кишвар барои иштирок дар ин конфронс беш аз 1500 нафар аз зиёда аз 100 кишвари ҷаҳон ва даҳҳо созмонҳои байналмилалию минтақавӣ ба Тоҷикистон омадаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |