11 июн 2015 10:49Оcиёи Марказӣ / Узбакистон

Боздошти занҳои ҳиҷобпӯш дар Тошканд

Пулиси Тошканд дар наздикии бозори “Куйлюк” -и пойтахти Узбакистон занони ҳиҷобпӯшро боздошт кардааст. Бахши узбакии “Радиои Озодӣ” бо такя ба нақли шоҳидони ҳодиса хабар медиҳад, ҳарчанд занон пофишорӣ мекарданд, вале пулис онҳоро савори мошинҳои низомӣ кард.

“Касе ба дифои онҳо наомад”,-гуфтааст яке аз шоҳидони ҳодиса. Манобеъ аз мақомоти пулиси Тошканд гуфтаанд, барои ин амалиёт чанд гуруҳ аз тамоми шӯъбаҳои ин ниҳод таъсис ёфта буд. Ин гуруҳҳо дар чанд ҷойи дигар, монанди постгоҳи БДА-и “Бектимир” ва “Шарқ” даст ба чунин амалиёт задаанд. Ба гуфтаи шоҳидон, занони ҳиҷобдорро ба идораи пулис мебаранд ва ҳар нафаре барои гирифтани ҳиҷоб розӣ шавад, зуд раҳо мекунанд: “Вале, касоне ки истодагарӣ кунанд, бо кормандони шӯъбаи муқобила бар зидди терроризм суҳбат хоҳанд кард. Пайвандони онҳоро ба суҳбат даъват мекунанд”.

Бахши узбакии “Радиои Озодӣ” аз қавли манобеи худ навиштааст, бархе аз кормандони пулис мухолифи ин амали ниҳоди худ ҳастанд. “Дар суҳбатҳои хусусӣ ба рӯшанӣ мегӯянд, зудтар ба нафақа баромадан лозим аст, хаста шудаем”,-гуфтааст шоҳиде.

Ба иттилои манбаъ, мубориза алайҳи пӯшидани ҳиҷоб дар Тошканд аз баҳори имсол шурӯъ шуд. Нахуст мақомот занони ҳиҷобпӯшро боздошт карданд ва баъдан таблуҳое, ки ҷадвали намоз ва иқтибос аз Қуръонро нишон медоданд, барчида шуд.

Мӯҳр

Хабарҳои монанд:

Худотарс

Салом
бузургон бехуда нагуфтаанд:
ЧАРОГЕРО КИ ЯЗИД БАРАФРУЗАД
ХАР ОН КАС ПУФ ЗАДА РИШАШ БИСУЗАД!!!
Дини Ислом хак аст ва хичоб фарз аст, инхо аз дасташон ягон кор намеояд ранги мансабдорони мо,

Ҷавоб диҳед Иқтибос Шикоят

Шоди

Ба фикрам хамин хичобро занхое ба бар кунанд, ки акалан камтар аз ислом бохабар бошанд, худотарс бошанд, намозашонро дар вакташ гузоранд, шавхарашонро эхтиром кунанд. Афсус, имруз хичобро занхои ба гуфтаи боло тамоман дахлнадошта ба бар карда, ба беахлокию бетамизи рох медиханд. Аввал бояд одби хичобпуши ва талаботхои ба он хосро омухт.

Ҷавоб диҳед Иқтибос Шикоят

Юсуф

Худотарс,
алаи ҷу мегум Язид кай чроғ гирун мекард?
албатта агар манзурат маънии зартуштии он набошад
аммо манзури шоир аз Изад маънии форсии имрузаи он аст яъне Худо Аллоҳ

Ҷавоб диҳед Иқтибос Шикоят

Эзоҳ илова кунед