Эргашев иҷрокунандаи сармураббии яккачини футболи Тоҷикистон шуд
Мубин Эргашев, сармураббии 41-солаи дастаи “Истиқлол”-и Душанбе, иҷрокунандаи вазифаи сармураббии тими мунтахаби футболи Тоҷикистон таъин шудааст.
Тавре Федератсияи футболи кишвар хабар медиҳад, акнун ин мураббии “Истиқлол” яккачини кишварро ба бозиҳои даври интихобии Ҷоми ҷаҳон-2018 омода хоҳад кард. Ба иҷрокунандаи сармураббии тими яккачини кишвар расидани Мубин Эргашев дар ҳолест, ки чанд ҳафта пеш Муҳсин Муҳаммадиев дар пайи нокомии тими миллӣ дар даври интихобии Ҷоми ҷаҳон-2018 аз мақоми худ истеъфо дод.
Ба иттили ФФТ, Мубин Эргашев дорои таҷрибаи хуби сармураббигӣ буда, соли 2013 ба ҳайси иҷрокунандаи вазифаи сармураббии мунтахаби Тоҷикистон таъин шуда, таҳти раҳбарияш як бозии дӯстона бо яккачини Афғонистон доир гардид. Ин қувваозмоӣ 3:2 ба фоидаи Тоҷикистон хотима ёфта буд.
Федератсияи футболи кишвар мегӯяд, ёвари Эргашев дар тими миллии кишвар Роман Пилипчук, мураббии 48-солаи укроинӣ таъин шуд, ки дорои дараҷаи мураббигии “Pro” мебошад. Ба ҳайати мураббиёни тими миллии кишвар инчунин ду ёвари Эргашев аз дастаи “Истиқлол” -- Аслиддин Ҳабибуллоев ва Никола Лазаревич шомил шудаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |