30 июл 2015 17:18Тоҷикистон / Дидгоҳи хос
Фосила аз журналистон. “Бадбинӣ” барои чӣ?
Ҳарчанд вуҷуди журналистика ва фаъолияти рӯзноманигорон дар асри мо як воқеияти инкорнопазир аст, вале бештарини мансабдорон журналистонро “бад мебинанд”. Ин чанд далел дорад ва далели аслияш ба назари ман як чиз аст. Рӯзноманигорон қишре ҳастанд, ки ҳамеша суроғи мансабдорон мераванд ва онҳоро маҷбур мекунанд, ки аз раванди иҷрои масъулиятҳояшон гузориш бидиҳанд ва ё барои иҷро накардани масъулиятҳошон онҳоро зери интиқод қарор медиҳанд. Аз ҳаминҷо “бад дидан”-и рӯзноманигорон оғоз мешавад. Ин аст, ки бештарини мансабдорон аз суҳбати журналистон худро канор мегиранд.
Ин муқаддима марбут ба нишастҳои хабарӣ ва фосила гирифтани баъзе мансабдорон аст.
Дар тамоми давраи мавҷудияти ҳамин нишастҳои хабарӣ чанд мансабдоре ҳаст, ки ҳамеша аз суҳбат бо журналистон худро канор гирифтаанд. Аз ҷумла Муҳаммадсаид Убайдуллоев, Рустами Эмомалӣ ва ахиран Бег Сабур.
Муҳаммадсаид Убайдуллоев, шаҳрдори Душанбе, ки дар ҷаласаҳои шаҳрдорӣ аксари рӯзноманигоронро даъват мекунад (на танҳо аксари рӯзноманигоронро, балки дигар фаъолони ҷомеаи шаҳрвандӣ ва намояндаҳои аҳзоби сиёсиро низ), вале чаро дар нишастҳои хабарии нақшавии шашмоҳа худ ҳузур пайдо намекунад, саволест, ки ҷавобашро то кунун на шаҳрдорӣ додаасту на ҷомеаи журналистӣ медонад.
Рустами Эмомалӣ ҳам дар даврони раиси Хадамоти гумрук будан ва ҳам ҳоло дар мансаби раиси Оҷонсии назорати молиявӣ ва мубориза бо фасод боре нашуда, ки худ дар нишастҳои хабарӣ ҳузур дошта бошанд ва ҳамеша муовинони эшон дар ин гуна нишастҳо натоиҷи кори ниҳодҳои мазкурро муаррифӣ мекунанд.
Бег Сабур, раиси Хадамоти алоқа, ки аз хабарсозтарин мансабдорони Тоҷикистон, ки баъди чандин посухҳои орҷиналӣ дар ин гуна нишастҳо, акнун се сол мешавад, ки аз суҳбат бо расонаҳову хабарнигорон ғайб задааст. Хусусан, баъди ҳодисаҳои моҳи июли 2012 ва шарҳи “оқилона” додани омилҳои қатъ ва масдуд шудани ҳама гунаи шаклҳои тамос бо вилояти Бадахшон ҷаноби Бег Сабур аз нишастҳои матбуотӣ худро канор кашид ва акнун се сол аст, ки ҳангоми нишастҳои матбуотӣ “дар сафари кориву хидматӣ қарор дорад”.
Шояд як суол дар зеҳнҳо пайдо шавад, ки чӣ муҳим аст будани шахси № 1 ин ё он ниҳод дар нишастҳои хабарӣ?! Муҳим натоиҷи хуби кор ва муаррифӣ шудани иҷрои масъулиятҳо мебошад. Ин суол дурусту мантиқӣ мебуд, агар...
Дар Тоҷикистон як таҷриба ба суннат ва анъана дар ҳукуматдорӣ ва мансабдорӣ табдил ёфтааст, ки ҳама гуна ҳарфро дар ин ё он ниҳод ҳамеша нафари № 1 мезанад ва дар бештарини маврид ҳарфи нафари рақами аввал пазируфта мешавад, ҳатто агар иштибоҳ ва хато ҳам бошад. Аз ин рӯ бисёр муҳим аст, ки бар асоси ҳамин суннат ва анъана дар нишастҳои хабарӣ нафарони рақами аввал иштирок кунанд.
Таҷрибаи роҳ андохтани нишастҳои матбуотии шашмоҳа (хушбахтона дар ибтидо семоҳа буданду баъд шашмоҳа шуданд) дар Тоҷикистон бисёр як таҷрибаи нодир мебошад ва аз сӯйи дигар яке аз намунаҳои ҳукуматдории боз ва шаффоф бояд дониста шавад. Хусусан дар сатҳи мансабдорони баланди радаҳои дувуму савум. Аз ин рӯ, ҳузури нафарони аввали ниҳодҳо дар нишастҳои матбуотӣ ҳамеша баёнгари зарфияти як мансабдор, нишондиҳандаи дониш, тавон ва лаёқати ҳамон мансабдор дар вазифаи ишғолкардааи ӯ мебошад. Агар яке аз нишонаҳои он ки ин ё он мансабдор то куҷо дар ҷойи худ таъин шудаасту вориди кори худ мебошад фаъолияти бозу босамари ӯ бошад, нишонаи дигар ҳамин нишастҳои матбуотӣ мебошанд, ки ҷомеа ва мардум огоҳ мешаванд, ки ин ё он мансабдор воқеан дар ҷойи худ ҳастанд ва ё мансаби давлатиро ба инҳисор гирифтаанд?! Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
