Бахшҳо

Ду ҳарфи ду ҳафта

Сайф САФАР

Додгоҳи олии Тоҷикистон бо як ҳукми тоза муҳлати зиндони Зайд Саидов, тоҷири муваффақ ва вазири пешини саноатро ба 29 сол расонду барои ҷуброни 34 миллион сомонӣ низ мувазаф намуд. Ба эҳтимоли қавӣ ин охирин ҳукми додгоҳ алайҳи ҷаноби Зайд буд ва шояд 34 миллион сомонӣ ҳам аз вопасин дороиҳояш буданд, ки дар лобалои парвандаҳо қурбон шуданд. Аммо, дар ин ҳукми умедворам, охирон Савриддин Тошев, додраси парванда, ба истилоҳ, “кафид”. Шоҳидони мурофиа гуфтаанд, ки пас аз эълони ҳукм миёни Зайд ва додрас Тошев гуфтугӯи кутоҳе сурат гирифтааст. Зайд пурсидааст: “рафиқ судя, қонун чӣ шуд, мо ба умеди қонун будем?". Додрас посух додааст, ки "Зайд Шерович тақозои замон ҳамин будааст".

Ин посухи додрас як ҳарфи хеле калидӣ аст ва фикр мекунам дар ҳафтаҳои баъд мавриди баҳсу баррасии коршиносону соҳибназарон мегардад. Замон чӣ тақозо кардааст? Мо дар чӣ замоне қарор дорем? Тақозои замонро кӣ мушаххас мекунад? Бардошти ман ин шуд, ки нафаре, ки ба умеди қонун будааст замон тақозо кардааст, ки дар қиболи ӯ аз беқонунӣ кор гирифта шавад?! Ин пурсишҳо дар ҳадди пурсиш мемонанд, чун Тоҷикистон кишваре нест, ки додрас Тошев барои шарҳи ин гуфтааш ҷилави расонаҳо ҳозир шавад.

Ҳарфи дигари ҳафтаи пеш ҳам хеле гаронвазн буд ва аз даҳони касе гуфта шуд, ки дар сиёсатҳои роҳбурдии кишвар нафари 2-юм ҳаст. Сайфулло Сафаров, муовини раиси Маркази тадқиқоти стратегӣ ва муовини пешини раиси Ҳизби халқӣ-демократии Тоҷикистон дар як мусоҳибаи худ бо “Радиои Озодӣ” гуфтааст, ки “Единая Россия баъд аз ҳизби мо ба вуҷуд омадааст ва маслиҳати ташкили ҳамин гуна ҳизбро мо аз Тоҷикистон ба Русия дода будем.” Агар ҳизбе, ки тамоми сиёсат, рушду тавсеаи Русия дар он хулоса мешавад бо маслиҳати Тоҷикистон бунёд шудааст, мантиқан бояд барои ҳамеша мадюни сиёсатмардони тоҷик бошад, ки нест. Агар ҷаноби Сафаров он замон ба ҳайси муовини ҳизб тавони додани чунин маслиҳатро доштааст, пас имрӯз ҳамчун стратеги 2-юми кишвар метавонад ба Русия маслиҳатҳои ҷиддитар бидиҳад, ки бар манзалат ва шукуҳи тоҷику Тоҷикистон дар ин кишвар афзуда шавад.

Ба ин тартиб, аз ҷаноби Сафаров тақозо дорам, ки агар ҳанӯз ҳам салоҳияти маслиҳат додан дошта бошад ба Русия чунин маслиҳат бидиҳад. Чун ин ду кишвар ҳамдигарро шарики стратегӣ мешуморанд манфиати мо ҳам дар ин мушорикат нигоҳ дошта шавад. Тоҷик дар Русия аз ҳадди “чурка” ва “Равшану Ҷумшуд” ба як инсон табдил шавад. Ба “депорт”-и худсаронаи шаҳрвандони Тоҷикистон аз ин кишвар нуқтаи поён гузошта шавад. Тосарҳои рус аз қатли ваҳшиёнаи тоҷик даст бикашанд. Маслиҳат бидиҳад, ки ҳадди ақал сарбозони пойгоҳи Русия дар Тоҷикистон дар ҳолати сархушӣ ба шаҳр набароянд, ки мунҷар ба низоъ бо ҷавонон маҳаллӣ нашавад. Агар маслиҳат доданро тақозои замон гуянд, ман розӣ ҳастам.
Мӯҳр
Маслихатчии Судя
Офарин Сайф!!!!!!!!!!!!!!!!!!!!!!!!

Сад офарин Сайф. Кошки хамаи рузноманигорон ба монанди ту мешуданд.

Одамони калидии мо сухани худро сарфахм намераванд хачвияи Оли ва хело хандаовар

Абдуллох Иззом
Салом ба хаммаи хонандагони озодагон . Намехохам ба шахсияти касе расам ва аз рузноманирони точик чунин шучоату часорат ва махорат ро интизор набудам ва на дида будам офарин бар ин чавон мард ки имруз барои миллати хеш садои одилона ва мунсифонаи хешро баланд кард . Вале афсус дигарон хамеша харакат мекунанд ки калонхо хафа нашаванд ва маталаби гузошта бояд ба табъи дили онхо бошад
Яке аз бузургон гуфтааст як соат бо шучоату сарбаланди зистан бехтар аз он аст ки то киёмат залилу буздил зистан . Офарин. Худо сафтона зиёд гардонад . Омин

кулябец
Маколаи подархаво! Байни Зайд ва мухочион алокамандие набуд ва нест. Вакти вазир буданаш ягон маротиба аз холати мухочирин напурсидааст. Ва барои миллат ягон хизмате накардааст. Хама дар мансаб буданаш гуё кур хастанд!!

Саид
кулябец,
ай бача, авал номта тогри бнавс, баъ хеле хб мешидаг... дга ин ки ага ба забони паштуни менавишт баад мефамиди, ин точики навиштаст, барои хамин ту напамидай, аааййй бааачааа!

Ба Саид
Саид донишкадаи санъат бахши актёриро хатм кардааст.Яке аз шогирдони бехтарини Аловудин Аблуллоев буда, дар дехаи "Мортеппа"-и нохияи Рудаки ба дунё омадааст.

Сиёсат мадорони тоҷик дар ҳалли мушкилоти дохили мондаанд чи бирасад ба мушкилоти Руссия роҳи ҳал биҷӯянд.воқеан хандаовар аст.

Дар ҳақиқат Сафаров ҳамеша ҳазён мегӯяд.....

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Октябр 2022    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)