18 сен 2015 09:46Тоҷикистон / Тема дня

Боздошти ҷавоне бо иттиҳоми куштори зани 44-сола ва захмӣ кардани писари ноболиғаш

Вазорати умури дохилии Тоҷикистон аз боздошти ҷавоне хабар дод, ки дар куштори як зани 44 -сола ва захмӣ кардани писари ноболиғи ӯ муттаҳам мешавад.

Тибқи иттилои ин ниҳод, гумонбаршуда сокини 23-солаи шаҳри Душанбе буда, рӯзи 17 сентябр дар пайи чорабиниҳои оперативӣ-ҷустуҷӯӣ аз ҷониби кормандони пулис дастгир шудааст. Манбаъ мегӯяд, муайян гардидааст, ки ин ҷавон шаби 16 ба 17 сентябр, тахминан соати 00:20 вориди хонаи истиқоматии зани 44-солаи шаҳри Душанбе шуда, аз сабаби муноқишаи ба миёномада, бо корди ошхона якчанд маротиба ба узвҳои бадани ӯ задааст: “Дар натиҷа, ҷабрдида ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст”.

Ба иттилои ВУД, гумонбаршуда “кирдорҳои ҷинояткоронаашро идома дода, бо корд ду маротиба ба аъзои бадани писари 13-солаи зан мезанад, ки дар натиҷа писарбачаи ноболиғ ҷароҳатҳои вазнини ҷисмонӣ бардошта, дар беморхона бистарӣ гардидааст”.

Манбаъ мегӯяд, аз рӯи ин ҳодиса парвандаи ҷиноятӣ оғоз гардида, тафтишот идома дорад.

Мӯҳр

Хабарҳои монанд:

Истиклол

Нобакор,

Ҷавоб диҳед Иқтибос Шикоят

муслима

Хуб мешавад занхои имрузхо бо чавонони аз худ хурд, баробар бо кудакошон муносибатхои махрамона доранд, ки окибаташ чунин ходиса аст. Хой занхои ба ном мусалмони миенсол ба умеди чавонон нашавед, ки холатон чунин аст.

Ҷавоб диҳед Иқтибос Шикоят

ҳақиқат

Чаро намегуянд, ки ин зани 44сола бо ҷавони 23сола муноисбати маҳрамона дошта ба дому ҳилаи ин зан даромадааст. Ин зан, ки шавҳараш дар расия будааст. Ин ҷавон аз сабаби рашк ва дуруғҳои ин зан, ки нафарари дигаро пайдо кардааст даст ба чунин амал задааст. Дар Тоҷикистон ингуна муносибатҳо чунин зиёд шудааст, ки бештарашон занони шавҳар дор буда ҳангоми муҳоҷирати дарозмудати шавҳарашон ё зани дюм буданашон ва чанд омили дигар даст ба чунин аммалҳо мезананд ки омораш бисёр даҳшатовар аст....

Ҷавоб диҳед Иқтибос Шикоят

чавоб

Э инсоне ки ин зани 44 соларо тухмат карсодаи!!! Агар модари, апаи е хохари худат мебуд чи мегуфти? Е ту худат ба Россия равию оилаи туро хамин хел кунанду дигар одамои мисли ту хамин гапхоро нависанд чи мегуи? Истиклол,

Ҷавоб диҳед Иқтибос Шикоят

Эзоҳ илова кунед