29 сен 2015 17:50Тоҷикистон / Сиёсат

Пажвок: Волии Кундуз аз Тоҷикистон ба Лондон рафтааст

Хабаргузории “Пажвок”-и Афғонистон ба нақл аз манобеи худ дар ҳукумати ин кишвар навиштааст, Муҳаммадумар Софӣ, волии Кундуз аз Тоҷикистон ба шаҳри Лондон рафтааст.

Ба иттилои ин пойгоҳи хабарӣ, “як дипломати афғон дар шаҳри Душанбе дар саҳифаи “Фейсбук”-и худ навиштааст, ки волии Кундуз нахуст аз Тоҷикистон ба Узбакистон ва баъдан ба Туркия рафтааст ва мехоҳад ва Инглистон биравад”.

Ба иттилои манбаъ, хонаводаи Муҳаммадумар Софӣ, волии Кундуз аз қабл дар Тоҷикистон будубош доштаанд. Ин хабар дар ҳолест, ки қаблан расонаҳо гуфтанд, Кундуз замоне ба дасти Толибон гузашт, ки волии он дар Тоҷикистон қарор дошт. “Телевизиони 1”-и Афғонистон бо пахши як гузориш дар мавриди суқути вилояти Қундуз ба дасти Толибон гуфт, волии ин вилоят дар Тоҷикистон аст. Фотима Азиз, намояндаи Қундуз дар парлумони Афғонистон дар ин гузориш ҳузур надоштани раиси вилоятро таъйид карда гуфтааст, “мутаассифона раиси вилоят дар Қундуз ҳузур надорад ва сари руҳияи мардум таъсири манфӣ гузоштааст”.

Як манбаъ аз Сафорати Афғонистон ҳам ба “Озодагон” дар Тоҷикистон будани раҳбари вилоятро тасдиқ кард, аммо аз шарҳи бештар худдорӣ намуд. Бахши дарии "DW" навиштааст, волии Қундуз дар Иди Қурбон ба Тоҷикистон рафтааст. Абдулрауф Иброҳимӣ, раиси вулусии Ҷиргаи парлумони Афғонистон, ки намояндаи вилояти Кундуз аст, аз волии ин вилоят интиқод карда, гуфтааст, “тамоми мардуми вилояти Кундуз безории худро аз волие, ки бо Толибон ҳамоҳангӣ дорад, иброз кардаанд”.

Кундуз аз вилоятҳои ҳаммарз бо Тоҷикистон буда, бино ба гузоришҳо Толибон онро шоми рӯзи гузашта комилан ба тасарруфи худ даровардаанд.

Мӯҳр

Хабарҳои монанд:

дурбин

ана аку во, во, во

Ҷавоб диҳед Иқтибос Шикоят

nabi farhor

Раис барои курси ё вазифааш чонт худро медихад.Имруз бошад,дар фирор,намешуд,ки пуштибони аз халку ватанат мекарди.

Ҷавоб диҳед Иқтибос Шикоят

хар

Ин Кундуз бо кадом нохияхои Точикистон хамсархад бошад??

Ҷавоб диҳед Иқтибос Шикоят

Муштари

ин раисхо дар хама чо як будаанд ку, дар лахзаи хассос дум хода мекунанду мардум дар азоб

Ҷавоб диҳед Иқтибос Шикоят

точик

Салом ба хамаи мардуми точик! Точикистон бо тамоми имконияташ бояд аз мардум ва сардорони вилояти Кундуз химоят кунад, зеро мардуми шимоли Афгонистон хама точиканд. Забони давлатии Афгонистон то омадани Амрико забони форси буд. Бо ёрии Амрикову Покистон паштунхо сари давлат омаданд. Ин толибон хама паштунанд, акидаи вахобиятро доранд, аз ислом хеле дуранд.

Ҷавоб диҳед Иқтибос Шикоят

Эзоҳ илова кунед