03 окт 2015 10:13Тоҷикистон / Сиёсат

Хурсандии Э.Раҳмон аз “ба таври бесобиқа боло рафтани обруву нуфуз”-и Олмон

Эмомалӣ Раҳмон, раисиҷумҳури Тоҷикистон бо ирсоли як барқия Йоахим Гаук, ҳамтои олмонияшро бо солгарди Рӯзи ваҳдат шодбош гуфтааст.

Бино ба иттилои дафтари матбуоти президенти кишвар, дар ин нома аз ҷумла омадааст, “Ҷаноби Олӣ, 25-умин солгарди Иди миллии кишвари дӯст – Рӯзи Ваҳдати Германия имконеро фароҳам сохтааст, то Ҷаноби Олӣ ва мардуми Ҷумҳурии Федеративии Германияро ба ин муносибати таърихӣ табрику таҳният гӯям. Дастовардҳои назарраси кишваратон мӯҷиби ба таври бесобиқа боло рафтани обруву нуфузи Ҷумҳурии Федеративӣ дар арсаи байналмилалӣ гаштааст, ки ин боиси хурсандии мо мебошад”.

Ба иттилои манбаъ, Эмомалӣ Раҳмон дар идомаи барқияи табрикӣ гуфтааст: “Тоҷикистон Германияро яке аз ҳамшарикони муҳими худ дар арсаи байналмилалӣ медонад ва мо омодаем, ки ҷиҳати бо иқдомҳои мушаххас ғанӣ гардондани мазмуну мундариҷаи ҳамкориҳои худ бо кишвари Шумо тамоми чораҳои заруриро андешем. Изҳори умед менамоям, ки муносибатҳои дӯстона ва ҳамкориҳои муфиди тарафайн дар соҳаҳои иқтисоду тиҷорат, маорифу фарҳанг, ва амнияту мубориза бо таҳдидҳо ва хатарҳои муосир дар оянда низ ба манфиати мардумони ҳар ду кишвар рушду густариши пайгир хоҳанд ёфт”.

Мӯҳр

Хабарҳои монанд:

Айбу шармандагй

Ҷавоб диҳед Иқтибос Шикоят

Шароф

Мухтарам президент ин масъалаи барк чи мешавад. Дар районо шабу руз хомуш кардестан барка. Хар руз дар минбари боло дар бораи об гап мезанен халк бар надорад чихел мешавад.

Ҷавоб диҳед Иқтибос Шикоят

МАН

ОБРУЮ НУФУЗИ ОЛМОН ДАР ЯК САТХ КАРОР ДОРАД, ИН МОЕМ КИ СОЛ БА СОЛ БА ТАВРИ БЕСОБИКА ПОЁН РАФТА ИСТОДАЕМ ВА ТАБИИСТ КИ ДАР НАЗАРАМОН ОЛМОН БОЛОТАР МЕТОБАД

Ҷавоб диҳед Иқтибос Шикоят

Баха

Шумо хурсанду рушан ва мо халк бесвету торик...

Ҷавоб диҳед Иқтибос Шикоят

Эзоҳ илова кунед