Бахшҳо
31 окт 2011 09:47Гузориш

Боз як бор дар мавриди нақлиёт

Ҳар субҳ теъдоди мусофирон аз ҳисоби донишҷӯён меафзояд ва агар сарварони донишгоҳҳо дар мавриди пешу қафо мондани соати шурӯъи дарсҳо мусоидат кунанд, мушкили норасоии нақлиёт дар шаҳр бартараф мешудааст…

Масъулини хадамоти нақлиёти шаҳри Душанбе бар ин боваранд, ки ҳар субҳ танҳо ним соат талабот ба воситаи нақлиёт бениҳоят зиёд мешавад ва баъди соати 8-и саҳар аллакай теъдоди мусофирон дар роҳҳо коҳиш меёбад. Ба хотири якҷоя кор бурдан баҳри бартараф кардани мушкили норасоии нақлиёт ва зиёд будани теъдоди мусофирон ҳар саҳар дар роҳ онҳо ба сарварони мактабҳои олии кишвар муроҷиат кардаанд. Зеро ҳар субҳ теъдоди мусофирон аз ҳисоби донишҷӯён меафзояд ва агар сарварони донишгоҳҳо дар мавриди пешу қафо мондани соати шурӯъи дарсҳо мусоидат кунанд, мушкили норасоии нақлиёт дар шаҳр бартараф мешудааст.

Ин дар ҳолест, ки баъди соати 8-и субҳ ронандагон дар роҳҳо зиёд таваққуф мекунанд ва меъёри вақту масофаи байни маршрутҳоро риоя намекунанд. Аммо масъулин сабаби онро теъдоди ками мусофирон арзёбӣ мекунанд, ки дар сурати таваққуф накардан нақлиёт холӣ мемонад ва сӯзишвории бе ин ҳам гарон беҳуда талаф мешавад. Амриддин Одинаев, корманди раёсати хадамоти давлати назорат ва танзим дар соҳаи нақлиёти шаҳри Душанбе мегӯяд, ки аз рӯи санҷиши онҳо аз аввали рӯз ҳолатҳои зиёд таваққуф кардани ронандаҳои нақлиёти мусофиркаш дар нуқтаҳои сархат ва охир ҷой надорад. Лекин баъди кам шудани теъдоди мусофирон ин ҳолатҳо ба назар мерасад.

Нақлиётҳои «А» ва «Б»

Феълан, 30 дар сади нақлиёти мусофиркаш бо навиштаи «экспресс» фаъолият дошта, боқимондаи нақлиёт ба ду гурӯҳ: «А» ва «Б» ҷудо шудаанд. Нақлиёти мусофиркаши гурӯҳи «А» аз аввал то ними як сайрхат ва гурӯҳи «Б» аз нисфи сайрхат то охири он ҳаракат мекунанд. Аммо худсарона иваз кардани сайрхат аз ҷониби ронандагон зиёд ба чашм мерасад, ки ба хотири ҳар чӣ бештар фоида ба даст овардан навиштаҳои пеши маршрути худро дигар мекунанд ва ба хати сайри ба худ мувофиқ мегузаранд, ки ин боиси номуназзамии фаъолияти нақлиёти мусофиркаш ва сарсонии мусофирон мегардад. Масалан, дар назди бинои мағозаи марказӣ (СУМ) Хундайҳои зиёде меистанд, ки дар он ҷо маршруткаҳои рақами 19 низ ҳастанд. Дар ҳоле, ки ин мавзеъ на охири истгоҳи маршруткаи 19 аст, на аввал ва на мобайн. Танҳо талаботи аҳолӣ дар ин ҷо ба нақлиёт ба маротиб зиёд аст.

Масъулин мегӯянд, ки нисбати иваз кардани сайрхат ва дигар қонунвайронкуниҳои маъмурӣ ҳам аз тарафи Бозрасии давлатии автомобилӣ ва ҳам аз тарафи хадамоти давлатии назорат ва танзим дар соҳаи нақлиёт рейдҳои муштарак гузаронида мешавад. Ба қавли Амриддин Одинаев аз тарафи кормандони раёсати хадамоти давлатии назорат ва танзим дар соҳаи нақлиёт нисбати қоидавайронкуниҳо дар 9 моҳи сипаригашта зиёда аз 6 ҳазор протоколи ҳуқуқвайронкунии маъмурӣ тартиб дода шудааст. Онҳо аз мусофирон даъват мекунанд, ки ба воситаҳои нақлиёте савор шаванд, ки ба мусофиркашӣ ҳуқуқ доранд ва бо рақамҳои зарди давлатии силсилаи ТТ муҷаҳҳаз шудаанд.

Баҳс бо ронанда бефойида аст…

Аммо ин дар ҳолест, ки ба гуфтаи бархе аз сокинони пойтахт теъдоди воситаҳои нақлиёти мусофиркаш ҳанӯз ҳам кам аст ва агар танҳо  маршруткаҳои рақами зарддорро интизор шаванд, ба манзил расиданашон душвортар мегардад. Сокини пойтахт, Абдураҳим Аҳадов чунин мешуморад, ки аз сабаби норасоии нақлиёти мусофиркаш дар роҳ соатҳо интизор мебояд шуд ва агар ронанда аз нисфи роҳ ҳам 1,5 ё 2 сомонӣ талаб кунад ноилоҷ месупорад. Бо ронанда баҳс кардан фоида надорад, зеро мусофирон зиёданд ва мошин кам аст ва одамон дар ин вазъият розиянд, ки бо 2 сомонӣ ҳам ба манзил расанд, мегӯяд ӯ.

Вақте мошин кам аст ва мусофирон зиёданд, табиист, ки ронандаҳо худсарона нархро боло мебаранд. Дар ин сурат аз соатҳои тӯлонӣ дар роҳ интизор будан ва сармо хӯрдан беҳтар аст, ки 2 сомонӣ диҳанду ба манзилашон тезтар расанд.

Исфандиёр Халилӣ{jathumbnail off}

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)