17 фев 2016 09:14Тоҷикистон / Сиёсат / Дидгоҳи хос

Human Rights Watch ва Norwegian Helsinki Committee хостори раҳоии маҳбусони сиёсии Тоҷикистон шудаанд

Созмони Дидбони ҳуқуқи башар (Human Rights Watch) ва Кумитаи Ҳелсинкии Норвеж (Norwegian Helsinki Committee) аз ҳукумати Тоҷикистон хостаанд, тамоми маҳбусони сиёсиро раҳо кунад.

Ин ду созмони ҳомии ҳуқуқи инсон дар гузорише, ки 17 феврал нашр гардид, гуфтаанд, “моҳи сентябри соли сипаришуда бо баста шудани Ҳизби наҳзати исломӣ вазъи ҳуқуқи инсон дар Тоҷикистон бадтар гардид”.

Human Rights Watch ва Кумитаи Ҳелсинкии Норвеж гуфтаанд, “ҳукумати Тоҷикистон аъзои мухолифини сиёсии сулҳомезро ҳабсу боздошт ва шиканҷа мекунанд. Ҳукумат ҳамчунин мунтақидонашро дар хориҷ таъқиб карда, дар пайи боздошти истирдоди онҳо ба Тоҷикистон аст ва мунтақидонашро дар хориҷ иҷборан мерабояд ва онҳо танҳо баъдан дар зиндони Тоҷикистон пайдо мешаванд”.

Гузоришгарон гуфтаанд, мақомоти Тоҷикистон вакилони мудофеъ, журналистон ва шаҳрвандони оддиеро ҳам, ки дар шабакаҳои иҷтимоӣ нисбат ба раисиҷумҳур матлабҳои интиқодӣ нашр мекунанд, ҳадаф қарор додааст.

Стив Свердлов, пажуҳишгари масоили Осиёи Марказӣ дар созмони Human Rights Watch гуфтааст, “буҳрони ҳуқуқи башар дар Тоҷикистон ҳамарӯза густариш меёбад, вале вокуниши Вошингтон, Брюссел ва дигар шарикони байналмилалии Тоҷикистон ба таври ҷиддӣ нокофист”.

Ин ду созмони ҳомии ҳуқуқи инсон боздошти аъзои узви ҳизби мамнӯъшудаи наҳзати исломиро сиёсӣ хонда, аз ҳукумати Тоҷикистон хостаанд, “нафаронеро, ки бо ангезаҳои сиёсӣ зиндон шудаанд, фавран ва бидуни қайду шарт озод кунад”.

Мӯҳр

Хабарҳои монанд:

шайхи панчвакта

ин созмонхо намедонанд ки нахзатихо аз ал коидаву доиш садхо баробар хавфнок буда бо яроки ядрои мусалаханд агар бароянд дар дуне ягон чонзот намемонад инхо намебуданд точикистон аз амрикову русия фарсаххо пеш мерафт

Ҷавоб диҳед Иқтибос Шикоят

кар

Эээҳҳҳҳ созмонҳо, созмонҳо дар гӯши кар азон мехонед дия!!!
Беҳуда гап мезанед, бовар кунед...

Ҷавоб диҳед Иқтибос Шикоят

Чамшед

Шумо аз сулху субот харф мезанеду аммо худ сарчашмахои ин гуна падидахоро чонибдори мекунед. Ин амалатон гувохи он аст ки тухми низоъро аслам Шумо мекореду баъдан аз дур тамошо мекунед ки чи тавр як миллат худро бо дасти худ нест мекунад

Ҷавоб диҳед Иқтибос Шикоят

Эзоҳ илова кунед