23 фев 2016 11:28Тоҷикистон / Иҷтимоӣ / Тема дня

Туҳфаи генерал Назарзода ба Алимов барои наҷоти ҷавонзан аз худкушӣ (АКСУ ВИДЕО)

Генерал Рустам Назарзода, сардори навтаъини Кумитаи ҳолатҳои фавқулоддаи Тоҷикистон, барои наҷоти ҷони одам, Бахтиёр Алимов, корманди Маркази тадқиқоти журналистиро бо туҳфаи хотиравӣ қадрдонӣ кардааст.

Тавре аз Маркази тадқиқоти журналистии Тоҷикистон ба “Озодагон” иттилоъ доданд, маросими супоридани туҳфаи хотиравӣ, имрӯз, 23-юми феврал дар бинои Маҷмааи табъу нашри “Шарқи Озод” баргузор шудаст.

Полковник Муҳаммадҷон Салимзода, муовини раиси Кумитаи ҳолатҳои фавқулодда, зимни тақдими оинаи нилгуни хотиравӣ ба Алимов, аз ҷасорат ва мардонагии ӯ тавсиф намудаст, ки худро дар сардии зимистон ба дарё андохта, ҷавонзанеро аз худкушӣ наҷот дод.

Қасди худкушии ҷавонзани тоҷик, ки хонаводааш нахостанд, номаш дар расонаҳо ифшо шавад, 2 феврали соли равон сурат гирифт. Ӯ дар хиёбони Саъдӣ Шерозӣ, дар назди бинои “Шарқи Озод” худро ба дарёи Душанбе андохт, вале муҳосиби МТЖТ, ки тасодуфан шоҳиди ҳодиса шудаст, ӯро наҷот додаст.

Видеои қасди худкушӣ:

Лаҳзаи наҷот:

Маросими қадрдонӣ:

Мӯҳр

Хабарҳои монанд:

зафар курбонов

аз чи бошад. ки худкушихо дар солхои охир бештар шудааст, чаро макомот ва дигар социологхо сабаб ва махаки асосии онро намеомузанд. хамачиро бар сапри оила, шавхар е сахтии рузгор бор кардан лозим нест. шояд омилхои дигар низ бошад, пас онро бояд омухт. охир ин инсонаст, чони одамист, падар е модару хохар е фарзанди касе е нафаре хзаст. инро бояд омухт ва чилавгири кард.

Ҷавоб диҳед Иқтибос Шикоят

Nushervon

Бачахо не ки и ай Эрдоган хам гузаронд Ахсант!

Ҷавоб диҳед Иқтибос Шикоят

vatan

ОФАРИН БА МУХТАРАМ ГЕНЕРАЛ НАЗАРЗОДА РУСТАМ. КУМИТА АКНУН ОБОД ХОХАД ШУД.

Ҷавоб диҳед Иқтибос Шикоят

Эзоҳ илова кунед