Гадоева: Гулчеҳра тоҷик аст... Песков: Ин ҷиноят ба миллат рабт надорад
Азиза Гадоева изҳор доштааст, ки “миллати Гулчеҳра тоҷик аст. Дар Маскав ҳам асосан бо тоҷикон ва зодагони Тоҷикистон иртибот дошт ва муддате бо марди тоҷик ҳамзистӣ мекард. Фикр мекунам, Гулчеҳра таҳти таъсири динии ҳамзисташ қарор гирифт ва ба пӯшидани ҳиҷоб оғоз кард”.
Ба гуфтаи Гадоева дугонааш аз соли 2003 аз шавҳараш ҷудо буда, соҳиби се фарзанд мебошад.
Талоши расонаҳои русӣ ба Тоҷикистон рабт додани ин ҷинояти мудҳиш дар ҳолест, ки Дмитрий Песков, сухангӯи раисиҷумҳури Русия изҳор доштаст, ки қатли Настяи 4-сола аз сӯи доя ҳеч рабте ба масоили миллӣ надорад.
Аз ин пештар хабар расид, ки мақомоти ҳифзи ҳуқуқи Узбакистон писари Гулчеҳра Бобоқулова, муттаҳам дар қатли кӯдаки чорсола дар Русияро боздошт кардаанд. Баҳриддин Тӯраев, падари Гулчеҳра, ки дар вилояти Самарқанд ба сар мебарад, ба “Газета.ru” гуфтааст, шоми рӯзи душанбе кормандони пулис Раҳматиллоро дастгир карданд. Далели ин боздоштро Вазорати умури дохилии Узбакистон шарҳ надодааст. Ба гуфтаи Тӯраев, Раҳматилло, писари калони Бобоқулова охирҳои моҳи ноябр аз Маскав баргашта буд.
Гулчеҳра Бобоқуловаи 38-сола дар куштори ваҳшиёнаи Настяи чорсола муттаҳам мешавад. Ӯ 29 феврал дар метрои “Октябрское Поле” дар ҳоле боздошт шуд, ки сари буридаи Настяро дар даст дошт. Расонаҳо баъдан навиштанд, ки ин зан дар хиёбони “Народний Ополчения”-и Маскав ба ҳайси парастор фаъолият мекардааст ва сари тарбиятгирандааш - Настяи 4-соларо ба таври ваҳшиёна бурида, манзилро оташ задааст.
Чоршанбеи 2 март Додгоҳи Маскав Бобоқуловаро барои ду моҳ ба ҳабси пешакӣ гирифт. Дар оғози мурофиа ба суоли хабарнигорон дар мавриди сабаби даст задан ба ин ҷинояти мудҳиш Бобоқулова изҳор доштаст, ки Худо фармуд. Ӯ зимни мурофиа иттилоъ додааст, ки аз шавҳари аввалаш 3 писар аз 16 то 20-сола дорад, ки ҳоло ҳамаашон дар Узбакистон зиндагӣ мекунанд: “Шавҳарам баъди таваллуди фарзанди сеюм маро ба кӯча ронд. Фарзандонам дар ҳар тараф зиндагӣ мекунанд. Яке бо шавҳари собиқ, дигаре бо хоҳари ӯ ва сеюмӣ бо падари ман зиндагӣ мекунанд. Онҳо маро ба кӯча ронданд. Магар ин аз рӯи одамгарист?”.
Расонаҳои Русия навиштаанд, ки Бобоқулова дар Маскав бо як шаҳрванди Тоҷикистон ҳамзистӣ доштааст ва феълан ӯ яке аз таҳрикдиҳандагони Гулчеҳра ба ин ҷинояти мудҳиш арзёбӣ мешавад: “Кофтукоби ҳамзисти Бобоқулова ва дигарон, ки ӯро ба ифротгароӣ моил кардаанд, идома дорад”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
