15 апр 2016 18:35Тоҷикистон / Иҷтимоӣ / Муҳоҷир

Сафорат: Тахтаи зери пои се муҳоҷири тоҷик шикастааст

Сафорати Тоҷикистон ва намояндагии Вазорати меҳнат, муҳоҷират ва шуғли аҳолӣ дар Русия муайян кардаанд, ки се муҳоҷири сарозершудаи тоҷик аз ошёнаи 14-ум дар шаҳри Санкт Петербург сокинони ноҳияи Исфара будаанд.

Тавре аз сафорат ба “Озодагон” иттилоъ доданд, ҳалокшудагон Мардонов Аёмиддини 23-сола, Ҳасан Сиддиқовичи 24-сола ва Файзиев Хушбахтҷон Неъматҷоновичи 22-сола, сокинони ноҳияи Исфара мебошанд.

Манбаъ афзуд, намояндагони Вазорати меҳнат, муҳоҷират ва шуғли аҳолии Тоҷикистон зимни боздид аз ҷои ҳодиса маълум кардаанд, ки муҳоҷирони марҳум дар болои як тахтаи зинапояи сохтмонӣ дар ошёнаи 14-ум хишт чиндаанд ва ин тахта зери пояшон шикаста, ҳар се ба поён сарозер шудаанд.

Сафорати Тоҷикистон мегӯяд, додситонии Санкт Петербург аз рӯи ин ҳодиса парвандаи ҷиноӣ боз карда, феълан тафтишот идома дорад: “Намояндаҳои Тоҷикистон қазияро пайгирӣ доранд ва баъди анҷоми расмиёт масъалаи интиқоли ҷасади муҳоҷирон ба Ватан ба миён гузошта хоҳад шуд”.

Субҳи имрӯз расонаҳои Русия иттилоъ доданд, ки се ҷавони тоҷик шоми 14 апрел аз ошёнаи 14-ум дар ноҳияи Калинини шаҳри Санкт Петербург сарозер шуда, ба ҳалокат расиданд. Тибқи иттилои расонаҳои русӣ фоҷеа тақрибан соати 19:00 дар ҳудуди маҷмааи истиқоматии “Фламинго” дар хиёбони Маршал Блюхер рух додааст.

Бар асоси фарзияи пешакӣ, муҳоҷирони тоҷик, ки дар ширкати “Капстрой” кор мекардаанд, ҳангоми корҳои сохтмонию васлкунӣ сарозер шуда, ба ҳалокат расидаанд. Кумитаи тафтишотии Русия мегӯяд, таҳқиқи ин ҳодиса оғоз гардидаст.

Мӯҳр

Хабарҳои монанд:

каромат

то ба кай мардуми мо дар гариби бо тарзхои сангин ба халокат мерасанд ? ин мардум тамоман аклашонро хурдаанд хомушанд . ман хайронам хусусан ба хамон падару модароне ки фарзандонашонро аз даст додаанд. худовандо чои ин чавононро чанат гардон. хамдардии худро ба ахли оилаи ин чавонон сидкан баён мекунам.

Ҷавоб диҳед Иқтибос Шикоят

amon

Чи балои ба сари мо тоҷикон омадай худованд моро аз шарри манон нигаҳ дорад.

Ҷавоб диҳед Иқтибос Шикоят

Хушбахт

рухататон шод бошад чоятон чанат бигардат бародарои нокоми мусофирам.. зиндаги тамини рузгори оила гуфта худатонро курбон кардет ба Худо касам хар гохе фавти чавонхоро дар мусофири мебинам дилам реш мешавад Худоё давлати моро давлати пешрафта бигардон бигзор хама дар канори ахли оилааш кор кунад...дар хонадони хеч точик умуман тамоми халкхо мотаму чудои набошад..ватанамон тинчу ором бошад порахурхо,бепарвохо ба инсоф ояд.омин

Ҷавоб диҳед Иқтибос Шикоят

Akif

Барои чи мардум хап мешинан дар хамин 1мохи охир кариб ки хар руз як ду точик мурдестай дар шахрхои россия, ин порахурхора парвошон нест

Ҷавоб диҳед Иқтибос Шикоят

nabi farhor

Дуо мекунем, ки Худованд ин ватани моро як давлати таракикарда гардонад то,ин ки чавонони мо ба мухочират нараванд.

Ҷавоб диҳед Иқтибос Шикоят

Ёрмуҳаммад

Ҷонам фидои ин бародар ои муҳоҷир. Иншоаллоҳ умеди раҳмати Иллоҳиро дорем

Ҷавоб диҳед Иқтибос Шикоят

Шухрат Тошматов

инна лилох ва инна илайхи рочиун мо аз тарафи худоем боз басуи у бармегардем.сабри чамил ба хонадони онхо мехохам .

Ҷавоб диҳед Иқтибос Шикоят

Tohir

Koshki muhojiroi javon ba kor nevu baroi khondan meraftand. baadi 10-15 sol pesh meraftem, ghulomi yoki mardikori boy mekard qavmi yahudro boy mekard/
Khudovand javononi ghurramargro rahmatu maghfirat kunad

Ҷавоб диҳед Иқтибос Шикоят

Эзоҳ илова кунед