Хулосаи Кумитаи тафтишотӣ: Файзалиевро зинда нагӯрондаанд
Кумитаи тафтишотии вилояти Волгоград муайян кардааст, ки Усмоналӣ Файзалиев, муҳоҷири 22 солаи тоҷик, сокини шаҳри Ваҳдатро зинда нагӯрондаанд.
Тавре аз сафорати Тоҷикистон дар Русия ба “Озодагон” иттилоъ доданд, Кумитаи тафтишотӣ дар пайи ташхиси ҷасади Файзалиев муайян намудааст, ки ӯро нахуст бо корд қатл карда, баъд гӯрондаанд: “Айни ҳол ҳар ду муттаҳам дар қатли Файзалиев дар боздошт мебошанд. Намояндагиҳои Тоҷикистон ба таҳияи аснод барои интиқоли ҷасади марҳум ба Ватан машғуланд”.
Хабари зинда зери хок кардани як ҷавони тоҷик 19 апрел расонаӣ шуд. Расонаҳои русӣ аз қавли Наталия Кунитская, ёрдамчии калони раҳбари Раёсати тафтишотии Волгоград навиштанд, ки дар мавриди содир шудани ҷинояти куштор як сокини маҳаллӣ ба мақомот хабар додааст. Ба иттилои ӯ, 12 апрел ҳамроҳи дӯсташ ба манзиле рафт, ки онҷо шаҳрванди Тоҷикистон 22-солагии мавлудашро ҷашн мегирифт. Манбаъ гуфтааст, ки ҷашн то субҳ идома кард ва наздикии субҳ вайро хоб бурдааст: “Вақте субҳ бедор мешавад, мефаҳмад, ки байни соҳибхона ва соҳибҷашн нофаҳмӣ шудааст. Соҳибхона бо ёрии ҳамсояаш шаҳрванди хориҷиро ба таҳхонаи сарой бурда, маҷбур кардаанд, ки ҷуқурӣ биканад. Баъдан, ӯро ба он ҷуқурӣ тела намуда, зинда гӯрондаанд”.
Ёрдамчии калони раҳбари Раёсати тафтишоти Кумитаи тафтишотии Русия дар Волгоград таъкид карда буд, ки дар робита ба ин қазия парвандаи ҷиноӣ боз шуда, тафтишот идома дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |