ХБА шартҳояшро барои Тоҷикистон ироа кард
Вазорати молияи Тоҷикистон аз вуруди як ҳайати Хазинаи байналмилалии асъор, таҳти роҳбарии Пол Рос ба Душанбе хабар дод.
Тибқи иттилои ин ниҳод 5-уми май ҳайати ХБА бо Ҷамшед Каримзода, муовини аввали вазири молияи Тоҷикистон мулоқот карда, шартҳои густариши ҳамкориҳоро ироа кардаанд: “Пол Рос мақсади сафари ҳайати ХБА ва пешниҳоду тавсияҳои худро ба ҷониби Тоҷикистон баён кардааст”.
Қаблан Масъуд Аҳмад, мудири департаменти ХБА дар Шарқи наздик ва Осиёи Марказӣ изҳор дошта буд, ки агар Тоҷикистон хостори дарёфти кӯмак аз ХБА аст, ҳукумати он бояд се шарти калидиро иҷро кунад: “Инҳо - таҳкими назорати умумии низоми бонкӣ, лағви маҳдудиятҳо дар бозори асъор, таъмини шаффофияти фаъолияти корхонаҳои давлатӣ ва ҳамоиши онҳо бо буҷаи давлат мебошанд”.
Сафари ҳайати корӣ ва шартгузориҳои ХБА дар ҳолеянд, ки Ҷамолиддин Нуралиев, муовини раиси Бонки миллии Тоҷикистон моҳи феврали соли равон аз эҳтимоли ҷалби 500 миллион доллар қарз аз Хазинаи байналмилалии асъор хабар дода буд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |