17 май 2016 11:10Тоҷикистон / Иҷтимоӣ

Пулгирии “Полковник” ва Холова барои қабул ба Донишгоҳи тиббӣ

Додгоҳи ноҳияи Исмоили Сомонӣ Холова Тоҷиниссо, як сокини шаҳри Душанберо, ки барои дохил намудани довталаб ба Донишгоҳи тиббии Тоҷикистон 14 ҳазор доллари амрикоӣ гирифтааст, ба 8 соли зиндон маҳкум кард.

Тавре аз додгоҳи ноҳияи Исмоили Сомонӣ рӯзи 16 май ба “Озодагон” иттилоъ доданд, Холова Тоҷинисо Саъдиевна моҳи июли 2015 бо маслиҳати пешакӣ бо “Ислом” ном шахс, бо тахаллуси «Полковник» ба боварии шаҳрванд Чиниев Ф.Х. даромада, аз ӯ барои дохил намудани шиносаш ба Донишгоҳи Давлатии Тиббии Тоҷикистон 14 ҳазор доллари амрикоӣ гирифтаанд.

Ба иттилои додгоҳ дар мурофиа Холова гуноҳашро эътироф карда, изҳор доштааст, ки воқеан аз Чиниев 14 ҳазор доллар гирифта, 7 ҳазор долларро барои пардохти қарзи бонкияш сарф карда, нисфи дигарро ба шиносаш “Ислом” бо тахаллуси “полковник” додааст. Манбаъ афзуд, Холова изҳор доштааст, ки бо “Полковник” соли 2013 дар тарабхона шинос шудааст. Маҳкумшуда ваъда додааст, ки талош мекунад, дар рӯзҳои наздиктарин зарари расондаашро ба Чиниев ҷуброн кунад.

Додгоҳи ноҳияи Исмоили Сомонӣ дар пайи баррасии қазия Холова Тоҷиниссоро бар асоси моддаи 247-и Кодекси ҷиноӣ, -қаллобӣ гунаҳкор дониста, дар баробари 8 соли зиндон, ӯро барои 3 сол аз ҳаққи машғул шудан ба фаъолияти соҳибкорӣ маҳрум кардааст.

Аммо дар иттилоияи додгоҳи ноҳияи Исмоили Сомонӣ дар мавриди ҷазои “Полковник”, ки тибқи шоҳидии Холова яке аз дастандаркорони ҷиноят будаасту нисфи маблағро гирифтааст, чизе гуфта нашудааст.

Мӯҳр

Хабарҳои монанд:

Сорбони Ошик.Нева

14- хазор доллари амрикои? Пора?Барои ба донишкадаи тибби дохил кардан?
..Боз мегуем,мо камбагалу нодор хастем?Чиниев,магар аз худат бовари дошти,ки муддати 6-сол дар донишкадаи тибби тахсил намои?Барои ба ин донишкада дохил шудан,танхо доштани кабзазои доллар хело кам аст.Бояд аз замони бачагиат худро тайер куни,дар мактаби миена бо бахохои хубу аьло хонда бошиву захмату мушкилихои табибиро тассаввур сози.
Чи лозим буд ин кадар маблагхои доллариро сарф кардан?Агар аз хамин микдори доллархо,ними онхоро оварда,ба ягон донишгохи тиббии шахри Санкт Петербург ,тарики суратхисоби донишгох месупориди,туро аввал ба шуьбаи тайерии ин донишгох кабул карда,дар давоми кариб як сол забони русиро меомухтанд.Боз ба хучраи чои хоб таьмин мекарданд,аз хисоби хамон маблагхои додаат.7-хазор доллари дигарашро,дар хисоби шахсии худ,дар бонк нигох медошти,шохона руз мегузарониди.Хобгоххои тозаву озода,бархаво,гулгашту хиебонхо,духтарони паричехра,чавони,донишчуи,як сония барк кать намешавад,тамоми намудхои наклиет,шахри мунаввару чарогон,метро,трамвай,троллейбус,хуроквори
хои арзон,либосхои муди замонави.Арабхову зангихои Шарки Наздику африкоихову афгонхову мугулхо ,хиндухову покистонихо омада,тахсил карда,забони русиро ед мегиранд,тахсил мекунанд,касб аз худ мекунанду хатто оила барпо мекунанд,чиниюфхо барин духтуршавхо кабзахои долларро ба хаво сар медиханд.Духтуршав,ки кадамхои нахустро аз поралехи огоз кард,то охири умр порагиру харис мешавад..
Хайф,хайфи кутохфикриву беандешаги.

Ҷавоб диҳед Иқтибос Шикоят

али

саволе ба миён меояд, ки оё донишчуе, ки ин микдор пулро барои дохилшави додааст ва якинан давоми 7 соли хониши ин донишгох боз пули зиёдеро харч менамояд, баъди хатми донишгохи тибби, бе ришваситони аз халк, бо чунин маоше, ки хозир кормадони сохаи тиб доранд, пули харчкардаашро кор мекарда бошад?

Ҷавоб диҳед Иқтибос Шикоят

Эзоҳ илова кунед