Бахшҳо

Номаи бошандаҳои хобгоҳи №28 ба Президент: Моро бе қарори суд мекӯчонанд!

Як гуруҳ аз сокинони хобгоҳи умуми бинои №28, воқеъ дар кӯчаи Фирдавсии шаҳри Душанбе аз Эмомалӣ Раҳмон, раисиҷумҳурии Тоҷикистон хостаанд, ба мушкили онҳо расидагӣ кунад.

Ин афрод дар як мактуби дастаҷамъӣ унвонии Президент мегӯянд, бидуни қарори додгоҳ ва бе пешниҳод кардани ҷойи дигаре онҳоро аз манзилҳои зисташон мекӯчонанд. Дар мактуб омадааст, дар ин хобгоҳ кормандон, собиқадорони меҳнат, бознишастаҳо ва маюбони Трести “Душанбестрой” ба сар мебаранд, ки ҳоло номи Корхонаи воҳидии давлатии “Манзили сохтмончиён”-ро дорад: “Ҳар якеамон дар ҳамин корхонаи давлати зиёда аз 10 сол хизмат кардаем ва дар асоси Манзилномаҳо, ки аз Хадамоти давлатии назорати сохтмон ва меъмори Корхонаи воҳиди давлатии “Манзили сохтмончиён расман ба номи моён дода шуда, дар хобгоҳи номбаршуда ошкоро ҳуҷраҳоро ишғол намуда, бо аҳли оилаҳоямон солҳои тулонӣ доимӣ ва муқимӣ то инҷониб истиқомат карда истодаем. Дар асоси Фармоиши Ҳукумати Ҷумҳурии Тоҷикистон №80-ф аз 9 августи соли 2014 бинои хобгоҳамон №28, воқеъ да кӯчаи Фирдавсии шаҳри Душанбе аз тавозуни КВД “Манзили сохтмончиён”–и Хадамоти назорати давлатии меъмори ва сохтмони Кумитаи меъмори ва сохтмони назди Ҳукумати Ҷумҳурии Тоҷикистон ба тавозуни Донишкадаи давлатии санъати тасвири ва дизайни Тоҷикистони Вазорати фарҳанги Ҷумҳурии Тоҷикистон гузаронида шудаст”.

Дар идомаи нома ба Эмомалӣ Раҳмон гуфта мешавад, ҳоло роҳбарияти Донишкадаи давлатии санъати тасвири ва дизайн бе қабул шудани ҳалномаи дахлдори судӣ, бе дода шудани варақаҳои иҷроия, бе иштироки намояндагони мақомоти прокуратура, дарҳои бинои хобгоҳро баста, атрофи биноро бо тунука баста, ба сокинон иҷозаи вуруд ба ҳуҷраҳояшонро намедиҳанд: “Илова бар ин додани қувваи барқ ва обро пурра қатъ кардаанд ва аз таърихи 06.06.2016 сол, нуқтаҳои ҳоҷҷатхонаҳоро дар бинои Хобгоҳ пурра валангор кардаанд”.

Сокинони хобгоҳ дар мактуби дастаҷамъӣ аз Эмомалӣ Раҳмон хоҳиш кардаанд, нисбати роҳбарияти Донишкадаи давлатии санъати тасвири ва дизайн барои ба гуфтаи онҳо содир кардани қонуншикании ҷиддӣ дар шакли дағалона вайрон кардани ҳуқуқҳои манзилии 35 оилаи сохтмончиён, чораҳои қонунӣ андешида, барои ҳифзи ҳуқуқҳои конститутсиониашон ба манзил таъҷилан мусоидат намояд.

Дар ҳамин ҳол, ҳуқуқшиносони созмони “Маркази мустақил оид ба ҳифзи ҳуқуқи инсон” мегӯянд, бе санади суди аз хобгоҳи умумӣ берун кардани бошандаҳои он ғайриқонунӣ аст. Ба гуфтаи Абдураҳмон Шарипов ва Шоира Давлатова, намояндаҳои ин ташкилот, бар асоси талаботи моддаи 154-и Кодекси манзил ҳамаи баҳсҳои манзилӣ дар суд ҳал карда мешаванд: “Бо асосҳои моддаи 83-и Кодекси манзили Ҷумҳурии Тоҷикистон, шахсоне, ки дар корхонаву идораҳои давлатӣ зиёда аз 10 сол фаъолият кардаанд (аъзои оилаи кормандони фавтида), инчунин маъюбон, нафақахӯрон, иштирокчиёни Ҷанги Бузурги Ватанӣ, оилаҳои хизматчиёни ҳарбӣ, нафақахӯрон аз рӯи пиронсолӣ, ашхоси яккаву танҳо, ки ҳамроҳашон кӯдакони ноболиғ зиндагӣ мекунанд, оилаҳои серфарзанд, ки 5 ва бештар фарзанд доранд ва барои шахсоне, ки ба муолиҷаи маҷбурӣ аз майзадагии музмин ва нашъаманди фиристода шудаанд, дар сурати баъд аз анҷоми муҳлати муолиҷа давом додани корашон ҳуқуқи ба хонаи истиқоматии идора доштаашон ҳифз карда мешавад, бидуни додани хонаи истиқоматии дигар набояд аз хонаи истиқоматии хизматӣ бароварда шаванд. Амалҳои шахсони мансабдор, ки бе санади судӣ сокинонро аз хобгоҳи умумӣ маҷбурӣ бе додани манзили дигаре кӯчониданианд, бояд аз тарафи мақомоти Прокуротура санҷиш карда шаванд”.

Озодагон дар сурати дастрас кардани нуқтаи назари ҷониби дигар онро нашр мекунад

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)