Манобеи “Озодагон” мегӯянд, ҳафтаи гузашта дар пайи як муноқиша ҳангоми ифтор дар шаҳри Иркутски Русия як курсанти 20-солаи тоҷик кушта шудааст.
Сафорати Тоҷикистон дар Русия бо тасдиқи ин хабар ба “Озодагон” гуфт, кушташуда донишҷӯи соли дуввуми Институти Сибири Шимолии Вазорати корҳои дохилии Русия- Исломов Саидшоҳ Ҷумъахонович, сокини шаҳри Душанбе мебошад, ки фардо 21-уми июн бояд 20-сола мешуд. Манбаъ мегӯяд, Исломов шаби 12-уми июн аз тарафи шахсони номаълум бо зарби корд қатл шудааст: “Шахсони гумонбар дастгир шудаанд ва ҳоло бинобар зарурати тафтишотӣ номҳои онҳо аз тарафи мақомоти тафтишотӣ ифшо нашудааст”.
Сафорати Тоҷикистон дар Русия изҳор медорад, ки дар ҳамбастагӣ бо Намояндагии Вазорати меҳнат, муҳоҷират ва шуғли аҳолии Тоҷикистон ва диаспораи тоҷик ҷасади марҳум имрӯз, 20-уми июн ба ватан фиристода хоҳад шуд.Акси маросими гусели Исломов аз Иркутск (аксҳо аз фейсбук)
Мӯҳр