Нахустин суҳбати Ёқуб Салим дар озодӣ: Аз нақшаҳо то вазъи саломатӣ
Ба суоли “Озодагон” дар мавриди вазъи саломатӣ Ёқуб Салим посух дод, ки “худро хеле хуб ҳис мекунам, танҳо чашмҳоям камтар мушкил доранд”.
Дар бораи солҳои ҳабс ва муносибати зиндонбонҳо собиқ қумандони Фронти халқӣ гуфт, “муносибати хуб буд ва тайи солҳои ҳабсам ягон дағалиро аз маъмурини зиндон надидам. Аз ҳодисаҳои берун огоҳ будам. Тайи солҳои ҳабс ба матбуот дастрасӣ доштам. Ҳатто аз сайтбандии шумо ҳам дар зиндон тариқи матбуот хабар доштам”.
Ёқуб Салим афзуд, ки дар ҳоли ҳозир ягона нақшааш дар озодӣ хушнудӣ бо аҳли оила аст: “Нав ба озодӣ баромадам ва нақшаам ҳамин аст, ки бо аҳли оилаам, ҳамсар ва фарзандонам хурсандона зиндагиро пеш барам. Ягон нақшаи дақиқи дигаре надорам”.
Ӯ бо ишора ба он, ки айни ҳол хаста асту асабҳояш монда шудаанд, ваъда дод, ки баъди каме истироҳат давоми ҳафта бо “Озодагон” як суҳбати муфассал хоҳад кард.
Қаблан наздикони Ёқуб Салим ба “Озодагон” хабар доданд, ки ӯ соати 5-и субҳи имрӯз аз боздоштгоҳ озод шуда, хеле хурсанд мебошад ва феълан дар манзили зисташ дар маҳаллаи “Водонасос” ҳамроҳи хонаводааш мебошад.
Додгоҳи олии Тоҷикистон Ёқуб Салим, собиқ сардори Хадамоти гумрук ва яке аз қумандонҳои Фронти халқиро 25 апрели соли 2004 ба иттиҳоми хиёнат ба ватан, нигаҳдорӣ ва тиҷорати силоҳ ва сӯистифода аз мансаб ба 15 соли зиндон маҳкум кард. Нисбати ӯ ду бор қонуни афв татбиқ шуда, муҳлати ҷазояш кам гардид.
Ӯ моҳи июни соли 2014 бо ирсоли як нома ба Додситонии генералӣ ва Додгоҳи олӣ гуфта буд, то анҷоми муҳлати ҷазояш ҳудуди 1 солу 8 моҳи дигар мондааст ва дархост намуд, шартан пеш аз муҳлат раҳояш кунанд, чун вазъи саломатиаш хуб нест. Аммо дархости ӯ беҷавоб монда буд.
Акс аз "Озодӣ" Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
