Ҳодисаи нохуш дар ҷануби Тоҷикистон: Як роҳсоз ба ҳалокат расида, дигарӣ маҷруҳ шудааст
Дар ноҳияи Шамсиддини Шоҳини вилояти Хатлон ҳангоми кандани пули обгузар ду нафар ба чуқурӣ афтидаанд. Онҳо сокинони ноҳияи Рӯдакӣ будаанд.
Бино ба иттилои шоҳидон, ин ҳодиса аввалҳои моҳи июл дар рустои Хоҷағалтони ноҳия ба вуқӯъ пайваста, яке аз роҳсозон дар беморхона ба ҳалокат расидааст. Аз ӯ Эҳсон ном бурда гуфтанд, 28-сол дошт. Дар беморхонаи марказии ноҳияи Шамсиддини Шоҳин ба “Озодагон” иттилоъ доданд, дар пайи ин ҳодиса косахона, майнаи сар ва қабурғаҳои ӯ зарб хӯрдааст: “Баъди 11 соати ба беморхона овардан даргузашт”.
Ба гуфтаи шоҳидони ҳодиса, нафари дуюмро арматураҳо аз марг наҷот додааст: “Вақти афтидан, либосҳояш дар арматураи купрук дармонд ва роҳсозон зуд ба кумакаш шитофта, наҷоташ доданд. Ӯ ҷароҳатҳои сабук бардошт”.
Ба иттилои дарёфтӣ мақомоти ҳифзи ҳуқуқ ба тафтиши ҳодиса машғуланд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |