04 авг 2016 16:19Тоҷикистон / Сиёсат / Дидгоҳи хос

Генпрокурор дар бораи ғарази шахсӣ бо Ёров: Его не знаю и знать не хочу

Юсуф Раҳмон, додситони кулли Тоҷикистон иддаоро, ки гӯиё нисбати Бузургмеҳр Ёров, ҳуқуқшиноси боздоштшудаи тоҷик ғарази шахсӣ дорад, бепоя хонд.

Хабарнигори “Озодагон” имрӯз, 4-уми август аз Юсуф Раҳмон суол кард, ки “ба иддаои Бузургмеҳр Ёров прокурори генералии Тоҷикистон нисбати ӯ ғарази шахсӣ дорад. Шарҳи шумо чист ва оё қаблан Ёровро мешинохтед?”

Дар посух ба ин суол, ки бо забони тоҷикӣ ироа шуд, Юсуф Раҳмон бо забони русӣ гуфт, “Я его не знаю и знать не хочу. Он не тот человек которого я должень знать. Шумо фаҳмидед?”.

Ин дар ҳолест, ки қаблан Бузургмеҳр Ёров дар номааш аз боздошт изҳор дошт, ки додситонии кулли Тоҷикистон нисбаташ ғаразҳои шахсӣ дорад ва ба парвандааш бархӯрди мунсифона сурат намегирад. Ёров иддаояшро бо он асоснок кардааст, ки гӯиё ҳангоми ташкили адвокатураи мустақил наздикони Юсуф Раҳмон рақиби ӯ будаанд.

Бузургмеҳр Ёров рӯзи 28 сентябри соли 2015 баъди эълони азмаш дар бораи таъсиси Кумитаи дифоъ аз аъзои дастгиршудаи Ҳизби мамнӯи наҳзати исломии Тоҷикистон аз сӯи мақомоти интизомии кишвар боздошт шуд. Баъдан, Вазорати умури дохилӣ эълон кард, ӯ дар “қаллобӣ” ва “сохтакорӣ” муттаҳам мешавад. Аммо наздикони Бузургмеҳр Ёров аз қавли ӯ ин иттиҳомотро рад карда, гуфтанд, изҳор доштааст, ки дар мурофиаҳои додгоҳӣ бегуноҳияшро исбот хоҳад кард. Феълан мурофиаи Бузургмеҳр Ёров дар додгоҳи шаҳри Душанбе идома дорад.

Мӯҳр

Хабарҳои монанд:

Кухистони

Бародар Бузургмехр! Ту ба хархол макум хохи шуд. Чунки холо давлат чунин мехохад. Фикри прокурору муфатиш дар холати шумо рол бози намекунад. Гап дар он ки токазо чунин аст. Лекин дер намешини. Хеч гох бори кач ба манзил намерасад. Сабри чамил ба шумо. Озодагон медонам чоп намекуни

Ҷавоб диҳед Иқтибос Шикоят

кали пес

Гавхарзоа Шарофзода кани ку зиди ин ягон чора бин забони точикира гузошта бо руси чаро сухбат кардааст ?????

Ҷавоб диҳед Иқтибос Шикоят

Эзоҳ илова кунед