05 авг 2016 09:48Тоҷикистон / Сиёсат / Дидгоҳи хос

Убайдуллоев барои ислоҳи вазъ дар соҳаи нақлиёт ба муовинаш як моҳ муҳлат дод

Маҳмадсаид Убайдуллоев, раиси шаҳри Душанбе аз танзим нашудани ҳаракати воситаҳои нақлиёт дар хатсайрҳо интиқод кардааст.

Дафтари матбуоти раиси пойтахт мегӯяд, дар ҷаласаи ахири шаҳрдорӣ Маҳмадсаид Убайдуллоев аз “ҳолати низоми ташкили хизматрасонии нақлиёти ҷамъиятӣ, тарзи меъёрию дилхоҳ то ба ҳол танзим нашудани ҳаракати воситаҳои нақлиёт дар хатсайрҳо, бо вуҷуди масъалагузориҳои ҳамарӯза боиси нигаронии мусофирон ва дигар иштирокчиёни ҳаракат дар роҳҳо боқӣ мондани танбашавии воситаҳои нақлиёт" изҳори нигаронӣ намудааст. Ба иттилои манбаъ, дар робита ӯ аз фаъолияти муовини соҳавии худ Низом Ҳакимов интиқод карда, “барои ислоҳи вазъ ба мавсуф то 1 сентябри соли равон муҳлат муқаррар намуд”.

Ин дар ҳолест, ки 28 марти соли равон ҳам Маҳмадсаид Убайдуллоев бо нигаронӣ аз фаъолияти хатсайрҳои ғайриқонунӣ ва таваққуфи стихиявии воситаҳои нақлиёти ҷамъиятӣ дар назди истгоҳу гузаргоҳҳои зеризаминии серодам, фаъолияти анҷомдодаи муовини соҳавиаш, Муассисаи давлатии коммуналии “Душанбенақлиёт-хадамотрасон”, Раёсати Хадамоти давлатии назорат ва танзим дар соҳаи нақлиёт дар шаҳри Душанбе, Бозрасии давлатии автомобилии шаҳри Душанберо ғайриқаноатбахш арзёбӣ карда, барои ислоҳи вазъ ба масъулин як моҳ муҳлат дода буд. Он замон шаҳрдори Душанбе Комиссияи доимии Маҷлиси вакилони халқи шаҳри Душанбе оид ба нақлиёт, коммуникатсия ва беҳдошти роҳҳоро муваззаф намуд, то назорати қатъию мунсифонаи худро оиди ба танзим даровардани хизматрасонии воситаҳои нақлиёти ҷамъиятӣ ва ҳимояи ҳуқуқи истеъмолкунандагон муттасил ба роҳ монда, ҷиҳати ислоҳи вазъ бо қабули қарорҳои дахлдор, моҳе як маротиба унвонии раиси шаҳр маълумот пешниҳод намоянд.

Мӯҳр

Хабарҳои монанд:

2528

Бечора "Мухлат" чи гунох дорад? Мухлат, Мухлат, Мухлат.....

Ҷавоб диҳед Иқтибос Шикоят

darvesh

Хубтар мебуд Убайдуллоев барои саривакт таъмир намудани купруки махаллаи 46 маблаги заруриро пардохт мекард . Бародари 2528 дуруст кайд кардааст "Гунохи мухлат чи". Танбашавии роххо бо гунохи шумост чаноби МУ. Дар ягон руи дунё барои таъмири косметикии роххо ин кадар вакте,ки дар мо сарф мешавад,вакт сарф намекунанд. Як мости 46 як сол шуд дар таъмир.Камтар инсоф кунед. Бас будагист фиреб кардани шахрвандон.

Ҷавоб диҳед Иқтибос Шикоят

shahri

дар бораи бозори хурокаи 9 км ки дар таги бинои истикомати чойгир аст ва аз шохрох 2 м хам дур нест ягон андеша мекарда бошад ?! Хар руз ин чо садама рух медихад аз руи ин бозор Маршал ки сохиби аслиаш дар апарати президент кор мекунад

Ҷавоб диҳед Иқтибос Шикоят

Вафо

Хакимов чи гунох дорад бояд раёсати молияи пурсон шудан лозим аст ки маблаґхо кучо мешаванд барои таъмир ё сохтмон ...агар (шапкаро) аз байн мебардоштандбехтар мешуд ва хама кор бо сифат ва сари вакт ичро мешуд аммо ........

Ҷавоб диҳед Иқтибос Шикоят

Беном

Ин боз як худнамоии Раиси шахр аст. Таксихои 3 сомона то хол фаъолият доранд, чи чора дидед? Рузхои ид маршруткахо то кучое мехоханд мераванду нархро 2 баробар баланд мекунанд, касеро правое нест. Барои он, ки рохбарият бо мошинхои давлати мегарданду боре хам дар наклеити чамъияти намешинанд. Агар хар мох муовинонро иваз кунанд хам, вазъият бехтар намешавад.

Ҷавоб диҳед Иқтибос Шикоят

Эзоҳ илова кунед