25 авг 2016 11:03Тоҷикистон / Дин ва зиндагӣ / Дидгоҳи хос / Видео

Даъвати масъули Кумитаи дин: Назди Хонаи Худо барои тинҷиву оромии кишвар дуо кунед (АКС+ВИДЕО)

Нахустин гуруҳи зоирини тоҷик ба Маккаи мукаррама, зодгоҳи Расули Акрам, макони нузули Қуръон расидаанд.

Афшини Муқим, сухангӯи Кумитаи дин ба “Озодагон” гуфт, зоирини тоҷикро намояндагони Вазорати ҳаҷи Арабистони Саудӣ ва ширкати хизматрасон бо тақдими шириниҳо ва наътхонӣ пешвоз гирифтанд.

Ба иттилои манбаъ, барои боздид аз рафти корҳои омодагӣ вобаста ба мавсими "Ҳаҷ-2016" Заробиддин Қосимӣ, сафири Тоҷикистон дар Арабистони Саудӣ ба қароргоҳи ситоди ҳаҷи Тоҷикистон, воқеъ дар Маккаи мукаррама омада, бо шароити иқомати зоирони тоҷик, аз ҷумла, меҳмонхонаву ошхонаҳо дидан намуда, барои дар сатҳи баланд гузаронидани ин маросим дастуру супоришҳо додааст.

Абдураҳмон Мавлонов, сармутахассиси Кумита дин аз зоирини кишвар хостааст, дар назди Хонаи Худо “барои тинҷиву оромии кишвар” дуо кунанд.

Афшини Муқим мегӯяд, ҷараёни истиқболи зоирини тоҷик дор телевизионҳои Саудӣ пахш мешавад.

Сафари ҳоҷиёни тоҷик аз 22 август оғоз гардида то 5-уми сентябр идома хоҳад кард. Имсол қарор аст беш аз 6000 нафар ба зиёрати Хонаи Худо бираванд. Ҳазинаи ҳаҷ барои ҳар нафар 3600 доллар муқаррар шудааст.

Мӯҳр

Хабарҳои монанд:

шайх темур

кумитаи дин бояд як китобчаи дуохои хатми чоп карда ба хочиён медод кадоме ки ин дуохоро нахонад ба чавобгари мекашид набоша харкас барои киёматаш дуо мекунад

Ҷавоб диҳед Иқтибос Шикоят

ХАДЖИ

Мо дуо кунем шумо сатри занхоро кушода,риши мусулмонхоро тарошида рохат кунед.

Ҷавоб диҳед Иқтибос Шикоят

Амад

Ба чои дар хаки хочихо гапи хуб задан шумо чум чи мегкр. Бадгуи кардан чи даркорай... Худо хачи хочиера Кабул кунад

Ҷавоб диҳед Иқтибос Шикоят

Эзоҳ илова кунед