07 окт 2016 16:46Тоҷикистон / Иҷтимоӣ

Сарояндаи тоҷик дар феҳрасти 10 маддоҳи беҳтарини Путин (ВИДЕО)

Расонаҳои Русия имрӯз, 7-уми октябр дар рӯзи таҷлили 64-солагии Владимир Путин феҳрасти 10 суруди беҳтаринро тартиб додаанд, ки дар васфи ӯ хонда шудаанд.

Тавре сомонаи ЮГА.ру иттилоъ медиҳад, Толибҷон Қурбонхонови тоҷикистонӣ бо таронаҳои “ВВП”, "С юбилеем, господин президент!” ва “Спасибо тебе Боже за Владимира” шомили даҳгонаи маддоҳони беҳтарини Путин шудааст.

Расонаҳои Русия менависанд, Толибҷон Қурбонхонов замоне шинохта шуд, ки соли 2012 нахустин сурудашро таҳти унвони “ВВП” сароид ва дере нагузашта таронаи дигари ӯ "С юбилеем, господин президент!”, ки ба 60 солагии Путин бахшида буд, нашр шудааст.

Толибҷон Қурбонхонов ба дунболи “ВВП” ва "С юбилеем, господин президент!”, як таронаи дигар ҳам дар васфи Путин иҷро кард, ки “Спасибо тебе Боже за Владимира” ном дошт.

Соли 2015 суруди“ВВП”-и ӯ дар раддабандии “Топ 10 суруд дар васфи Путин” ё подхалим-парад, ки телевизиони “Дождь” таҳия кард, дар зинаи ҳаштум ҷой гирифта буд. Суруди “ВВП”-и Қурбонхонов соли 2012 қабл аз интихоботи президентӣ дар Русия нашр шуда, бо вокунишҳои зиёде рӯбарӯ гардид. Шабакаи радиоии "Серебряный дождь" соли 2012 таронаи “ВВП”-ро ғолиби наминатсияи “Нафаси чуқур” барои “талоши охирин ҷиҳати дарёфти қайди зист дар Маскав” дониста, Қурбонхоновро соҳиби ҷоизаи рамзии “Калуши нуқрагин” эълон кард.

Мӯҳр

Хабарҳои монанд:

мадох

Мадох рузат аз ин бад. Ман хайронам,ки чаро инкадар ин миллат маддох тарбият мекарда бошаду чолпусу хушрмадгуву хонабезор..

Ҷавоб диҳед Иқтибос Шикоят

Комрошох

Озодагон ба чои калимаи "маддох" калимаи "вассоф"-ро истифода мекарди хуб буд ва ин лид хам чолиб буд...чи даркор одамро тахкир карданд....бидуни гараз навиштанро шумо кай ёд мегиред...

Ҷавоб диҳед Иқтибос Шикоят

Шоди

"мир мох асту бухоро осмон, мох суи осмон ояд хаме"
Озодагони мухтарам ба фикрам фахмидед барои чи аз ашъори Рудакии бузург "отрывок"-ро манзури шумо барои мулохизаву анализи чукур, овардам.
Ин хам мисли он Бузарг васфи нафареро кардааст.Чолиб он аст ки харду хам бахри маскун гардидан дар маконе яке дар РФ дигаре дар Бухоро.

Хулоса яке гуру дигар чон меканад.

Ҷавоб диҳед Иқтибос Шикоят

Эзоҳ илова кунед