Иҷозати мақомот барои ҳамоиши оммавӣ ба хотири Умаралӣ
Мақомоти Санкт Петербург барои ҳамоиши оммавӣ барои ёдбуди Умаралӣ Назаров, кӯдаки марҳуми тоҷик дар маркази шаҳр иҷозат додаанд.
Тибқи иттилои расонаҳои русӣ ҳамоиши оммавӣ имрӯз, 13-уми октябр соати 19 дар “Марсовом поле” дар назар аст. Зимни ин ҳамоиш, ки дар нахустин солгарди марги мармузи Умаралӣ баргузор мешавад, масъалаи ҳифзи ҳуқуқи кӯдакони муҳоҷирон ба миён гузошта хоҳад шуд.
Умаралӣ Назаров, навзоди тоҷик 13 октябри соли гузашта дар пайи боздошти модараш Зарина Юнусова аз сӯи пулиси ноҳияи Адмирали шаҳри Петербург дар беморхонаи Сембалина ба таври мармуз ҷон дод. Дар ташхиси такрории марги Умаралӣ гуфта шудааст, ки гӯиё Умаралӣ чанд рӯз қабл аз интиқолаш ба пулис ба бемории парагрипп мубтало шудааст, аммо волидонаш ӯро муолиҷа накардаанд: “Дар баробари ин Умаралӣ ҳанӯз дар батни модараш бо ситомегаловирус сироят ёфтааст ва бемориҳо яке болои дигар зам шуда, бо марг анҷомидаанд”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |