Бахшҳо

Шаҳрдори Хуҷанд ба раҳбарони бозорҳо 10 рӯз муҳлат дод

Шариф Шарифзода, шаҳрдори Хуҷанд, барои бартараф намудани фурӯшгоҳҳои ғайриқонунӣ ба раҳбарони бозорҳо 10 рӯз муҳлат додааст.

Аз маъмурияти шаҳри Хуҷанд ба хабаргузории “Озодагон” гуфтанд, зимни як ҷаласа бо иштироки муовинон ва раҳбари дастгоҳи раиси шаҳр, раҳбарони воҳидҳои сохтори мақомоти маҳаллӣ, нозироти андоз, прокуратура, шӯъбаи корҳои дохилӣ, бозорҳои шаҳр, кумитаи маҳаллаҳо 2 масъала -- таъмини иҷрои қонунгузории замин ва роҳҳои пешгири намудани ҳолатҳои худсарона ишғол намудани қитъаҳои заминe сохтмони худсарона ва вазъи иҷрои қарори раиси шаҳри Хуҷанд, аз 19 апрели соли 2006 “Оид ба манъ намудани фаъолияти бозорҳои номуташаккил” мавриди баррасӣ қарор гирифтааст: “Бо мақсади таҳкими корҳои фаҳмондадиҳӣ ва истифодаи самараноки замин аз ҷониби Идораи замин рейдҳои муштарак бо сохторҳои қудратӣ гузаронида шуда, барои пешгирии ҳолати қонуншиканӣ мавриди истифодаи замин чораҳои амалӣ андешида мешавад”.

Шаҳрдори Хуҷанд доир ба роҳ мондани ҳамкорӣ бо раисони кумитаи маҳаллаҳо, бартараф намудани камбудиҳои ҷойдошта мавриди ҷудо гаштани қитъаи замини наздиҳавлигӣ дар селроҳаҳо, пурзӯр намудани чораҳои бартараф намудани ишғоли худсаронаи замин ва ба ҳолати аввала баргардондани онҳо ба раиси Кумитаи идораи замин, нозирони минтақавӣ, раисони маҳаллаҳо, шӯъбаи шаҳрсозӣ ва меъморӣ дастуру супоришҳои мушаххас додааст. “Аз ҷумла, таъкид гардид, ки барои манъ намудани фаъолияти бозорҳои номуташаккил ва ба танзим даровардани тартиби фурўши маҳсулоти хўроквориро дар бозорҳои шаҳр чораандешӣ намояд”,- афзуд манбаъ.

Дар зимн, раҳбарони бозорҳои шаҳри Хуҷанд вазифадор карда шудаанд, ки фурӯшандагони дар гирду атрофи бозор, қади роҳҳо ҷойгирбударо ба дохили бозор дароварда, ба вазъи санитарию эпидемологӣ аҳамият диҳанд. Инчунин гуфта шудааст, ки ба ҳолатҳои худсарона сохтмони нуқтаҳои фурўши маҳсулот дар ҳудуди бозорҳо хотима дода шавад.

Манбаъ афзуд, дар ин ҷаласа гуфта шудааст, ки дар ҷойҳои ғайримуқаррарӣ, ки ба талаботи меъёрҳои санитарию-гигиенӣ ҷавобгӯ нест, ба фурӯш гузоштани маҳсулоти ширӣ, гӯштӣ ва полезӣ манъ карда шавад: “Барои риоя накардани меъёрҳои санитарию-гигиенӣ ва санитарию эпидемологӣ нисбат ба шахсони масъул парвандаи ҳуқуқвайронкунии маъмурӣ сари вақт оғоз карда шавад”.

Ҳамчунин, ба масъулини бахши нақлиёт ва алоқа супориши қатъӣ дода шудааст, ки дар якҷоягӣ бо кормандони Бозрасии давлатии автомобилӣ ҳаракати нақлиётро дар қади роҳҳои дохилишаҳрӣ, алалхусус гирду атрофи бозори “Панҷшанбе”, маҳаллаи 34, кӯчаи Шарқ, хиёбони Исмоили Сомонӣ ва дигар самтҳоро ба тартиб дароранд: “Дар охир, ба тамоми мутасаддиён супориш дода шуд, ки ба муҳлати 10 рӯз фурӯшгоҳхои ғайриқонунӣ ва савдои кӯчагиро барҳам дода, савдо ва фурӯши маҳсулотро танҳо дар дохили бозор ва мавзеъҳои муқарраргардида ба роҳ монанд”.
Мӯҳр
Ва ин боиси бекоршавии боз хазорон нафар мегардад.

Барак Обама канд занед. Хучанд Рогун нест бинед.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Январ 2023    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)