Эълони исми “Донишҷӯи сол-2016”
Кумитаи ҷавонон, варзиш ва сайёҳии Тоҷикистон аз ҷамъбасти озмуни ҷумҳуриявии “Донишҷӯи сол-2016” хабар дод.
Бино ба иттилои ин ниҳод, ҳакамон Мадина Дилоева, донишҷӯи Донишгоҳи давлатии тиҷоратии Тоҷикистонро барандаи ин озмун эълон кардаанд. Худмуаррифӣ бо истифодаи усулҳои наву замонавӣ (слайд-презентатсияҳо), саволу ҷавоб вобаста ба мавзӯъҳои ихтисосӣ, дастовардҳои даврони соҳибистиқлолӣ ва навиштани кори хаттӣ бо забони давлатӣ дар мавзӯи сиёсати давлатии ҷавонон аз шартҳои озмуни “Донишҷӯи сол” будааст: “Се ҷойи дуюм ба Маҳинбону Шарифова, донишҷӯи Донишгоҳи давлатии Кӯлоб ба номи А. Рӯдакӣ, Зарнигор Ҷӯраева, донишҷӯи Донишгоҳи давлатии ҳуқуқ, бизнес ва сиёсат, Дилнора Амонова, донишҷӯи Донишкадаи молия ва иқтисод ва ду ҷойи сеюм ба Инна Ёрисова, донишҷӯи филиали Донишгоҳи давлатии Маскав ба номи М. Ломоносов ва Субҳонқул Субҳонқулов, донишҷӯи Донишкадаи кӯҳӣ-металлургии Тоҷикистон насиб гардид”.
Манбаъ мегӯяд, ғолибон бо диплом, сипоснома ва туҳфаҳои хотиравии Кумитаи ҷавонон, варзиш ва сайёҳӣ қадрдонӣ шудаанд.
Озмуни мазкур дар ду марҳила сурат гирифта, дар марҳилаи аввал, ки дар тамоми муассисаҳои таҳсилоти олии касбии мамлакат доир гардида, дар он беш аз 200 донишҷӯ ширкат доштаанд. Дар пайи ҷамъбасти марҳилаи аввал 17 нафар ба даври ниҳоӣ роҳхат гирифтаанд. Акс аз торнамои "Ҷавонони Тоҷикистон"
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |