16 ноя 2016 11:56Тоҷикистон / Иқтисодӣ / Тема дня

А.Қурбониён: Соли 2017 баландшавии маош дар назар аст

Абдусалом Қурбониён, вазири молияи Тоҷикистон зимни муаррифии Лоиҳаи қонун “Дар бораи буҷаи давлатии Тоҷикистон барои соли 2017 ва дурнамои нишондиҳандаҳои буҷаи давлатӣ барои солҳои 2018-2019” дар парлумон, ҳаҷми буҷаи давлатӣ барои соли 2017-ро 19 миллиарду 568 миллиону 600 ҳазор сомонӣ гуфт. Ба гуфтаи вай ин рақам дар қиёс ба буҷаи соли равон як миллиарду 718 миллион сомонӣ бештар мебошад.

Абдуҳалим Ғаффоров, вакили Маҷлиси намояндагон аз вазири молия пурсид, дар соли оянда болоравии музди меҳнат дар назар дошта шудааст ё хайр? Посухи Абдусалом Қурбониён мусбат буд. Ӯ гуфт, қарор аст, соли 2017 маоши кормандони буҷавӣ, бознишастаҳо ва донишҷӯён баланд бардошта шавад ва барои ин 300 миллион сомонӣ ба нақша гирифта шудааст. Аммо оқои Қурбониён шарҳ надод, ки баландшавии маош аз кадом моҳ ва чӣ андоза дар назар гирифта шудааст.

Лоиҳаи буҷети давлатӣ барои соли 2017 моҳи октябри соли 2016 дар ҷаласаи Ҳукумати Тоҷикистон тасдиқ шуда буд. Он замон таъкид шуд, ҳаҷми умумии хароҷоти буҷа 19 миллиарду 863 миллион сомонӣ пешбинӣ шуда, барои соҳаҳои иҷтимоӣ 8 миллиарду 286 миллион сомонӣ ҷудо мегардад.

Лоиҳаи буҷа аз сӯи вакилони Маҷлиси намояндагон қабул гардид. Шукурҷон Зуҳуров қабл аз қабули лоиҳаи буҷа дар хитоб ба раҳбарони вазоратҳои молия, саноат ва рушди иқтисод гуфт, блоки иқтисодӣ ва низоми бонкдорӣ дар кишвар мелангад. Ба таъкиди ӯ бояд соҳибкорон дастгирӣ ёфта, мардум бо ҷои кор таъмин шавад: “Вақте ҷойи кор набошад, чӣ гуна андоз месупоранд?”

Зуҳуров инчунин ба раҳбари Палатаи ҳисоб гуфт, масъалаи барқарор намудани маблағи зарарҳо бояд таъмин шавад.

Мӯҳр

Хабарҳои монанд:

Валикул

Аз Чаноби Курбониен эхтиромона хохиш менамоям,ки маоши духтурон зиед карда нашавад. Чунки духтурон ба маош ниез надоранд.

Ҷавоб диҳед Иқтибос Шикоят

муаллим

Муаммо!!!! Дар бонкхо пул нест сафи бекорон дар кухи QOF расидаст, руз ба руз корхонахо фаъолияташонро катъ кардаистодаанд. Муалимон баъзан вактхо хамин 600-700 сомонишона то ду-се мох ёфта наметавонанд. Буйчаи кишвар пур нашудаистодааст. Хар руз точанд нархо гарон шудаистодааст.
Инхо аз кадом хисоб маъошора мебардошта бошанд.
Охи эй чаноби вазир. Бо пули мош маъоша то чанд зиёд мекунед?? Шумо бпхтараш пеши болоравии андозхову нархи бозорхора поён фароред. Орду шакару равгану гушту картошкаву пиёзро назорат кунед. Ин барои тамоми миллат бехтар аст Арзон кунед акалан10-15 фоиз то хаму 10-15 фоиз маъоши чахор корманди давлатира баланд бардоштана.

Ҷавоб диҳед Иқтибос Шикоят

Эзоҳ илова кунед