"ЮНЕСКО" палави тоҷикиро мероси ҷаҳонӣ хонд
Идораи илму фарҳанги Созмони Милали Муттаҳид, “ЮНЕСКО” оши палави тоҷикиро ба феҳрасти мероси фарҳангии ғайримоддии ҷаҳонӣ ворид кардааст.
Дар ин бора дар сомонаи расмии созмон иттилоъ дода шудааст. Ба иттилои манбаъ оши палав дар Тоҷикистон "шоҳи ғизоҳо” ном дошта, беш аз 200 тарзи таҳия дорад.
ЮНЕСКО инчунин оши палави пешниҳодкардаи Узбакистонро низ ба феҳрасти мероси фарҳангии ғайримоддии башарият ворид карда, шарҳ додааст, ки ош ба таҳкими равобити иҷтимоӣ мусоидат мекунад.
Феҳрасти мероси фарҳангии ғайримоддии башарият то ҳол 366 номгӯи суннатҳову арзишҳои халқҳои ҷаҳонро дар бар мегирад.
Ин дар ҳолест, ки қаблан Узбакистон нахустин шуда ба ЮНЕСКО дархост дода буд, то оши палавро ба рӯйхати мероси ғайримоддии фарҳангии Идораи илму фарҳанги СММ шомил кунад. Тоҷикистон низ бо чунин дархост ба ин ниҳоди байналмилалӣ муроҷиат кард, ки баҳсҳои гармро дар расонаҳои интернетиву иҷтимоӣ ба миён овард.
Шамсиддин Орумбекзода, вазири фарҳанги Тоҷикистон дар мавриди оқибатҳои “кашмакаш” барои “Оши палав”, ки ҳам Тоҷикистон ва ҳам Узбакистон онро ба феҳристи мероси умумиҷаҳонии ЮНЕСКО пешниҳод кардаанд, гуфта буд, ки ЮНЕСКО метавонад, пешниҳоди ҳар ду ҷонибро қабул кунад. Вазири тоҷик қайд намуд, ки ҳарчанд Узбакистон “Оши палав”-ро пештар пешниҳод кардааст, вале ин муҳим нест ва “Юнеско” метавонад аз номи 2, 10 ва ё 12 кишвар, инро қабул кунад: “Қаблан рӯзноманигорони муҳтарам масъалаи ҷашни чавгонро бардоштанд ки чаро дигарон пешдастӣ кардаанд? Ба наздикӣ дар Ереван дар як сафари корӣ доштам ва ҳамон ҷо як мутаххасиси хеле баландпоя аз Эрон гуфт, “ЮНЕСКО” ташкилотест, ки кишварҳоро ба дӯстӣ меоварад. Ин ҷо муҳим нест, ки аз нигоҳи хронологӣ Шумо пешдастед ё дигар, муҳим нест, ки кӣ пештар пешниҳод кардааст. Муҳим рамзи дӯстӣ аст, мардумро ба ҳам овардан аст. Бояд заминаҳои дӯстияшро ба кор барем. Агар пешниҳоди Узбакистон дар мавриди “Оши палав” қабул шуд, Тоҷикистон бо он ҳамроҳ мешавад, ки мо ҳам дорем. Мисол Наврӯзро, ки Эрон ташаббускор шуд ва мо ҳам шомил астем. Мо ба Конвенсия тағййрот ворид мекунем, ки аввал пешниҳод кардан муҳим набошад”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |