Бахшҳо

Чеҳраҳои хабарсоз аз миёни занҳо дар соли 2016

Дар 12 моҳе, ки гузашт, исми кадом занҳо бештар дар расонаҳо чарх зад? Хабарнигори “Озодагон” талош кард, номи баъзе аз онҳоро гирд оварад. Шумо ҳам дар комил шудани ин рӯйхат кумак намоед.

АЗИЗАМОҲ РАҲМОНОВА, ҳамсари раисҷумҳур Эмомалӣ Раҳмон зимни як сафар ба Арабистони Саудӣ Хонаи Худоро зиёрат кард. Баъди ин, Абдуллоҳи Муҳаққиқ, коршиноси маосили динӣ пешниҳод кард, то ба ӯ унвони “пешвои занони исломӣ” дода шавад.

ОЗОДА РАҲМОН, духтари бузурги раисҷумҳури Тоҷикистон, имсол аз курсии муовини якуми вазири корҳои хориҷӣ ба мақоми раҳбари Дастгоҳи иҷроияи Президент расид. Моҳи май ӯ ҳамчунин узви Маҷлиси миллӣ, палатаи болоии парлумон интихоб шуд.

НУРБИБӢ МАНСУРОВА, сокини 47-солаи шаҳри Кӯлоб баъди он ба сархати расонаҳо баромад, ки “theopenasia.net” навишт, ӯ беш аз 20 фарзанд таваллуд карда ва 15 нафари онҳо дар қайди ҳаёт ҳастанд: “Нурбибӣ аллакай 4 духтари калонашро ба шавҳар дода, соҳиби 9 набера мебошад. 11 фарзанди дигар ҳамроҳи волидон зиндагӣ мекунанд”. Ба иттилои манбаъ, Нурбибӣ ҳомиладор буда, фарзанди 25-уми худро интизор аст.

ДИЛБАР ГУРГОВА, ҳамсари Амрулло Нуров, ки бо иттиҳоми узвият ба гуруҳи “Ҳоҷӣ Ҳалим” 23 сол равонаи зиндон шуд, барои он дар сархати расонаҳо буд, ки мегуфт, ҳамроҳи 5 фарзанди ноболиғаш бо сахтӣ зиндагӣ мекунад. Ӯ ҳатто аз давлат хоста буд, аз ҳисоби амволи собиқ муовини вазири мудофиа барояш хона бидиҳанд.

МАКНУНА НИЁЗОВА, тарроҳи тоҷик дар бахши намоиши либосҳои замонавӣ дар “Asia Model Festival-2016” ё Ҷашнвораи муди Осиё, ки дар шаҳри Сувони Кореяи Ҷанубӣ баргузор шуд, соҳиби ҷоизаи махсус гашт.

МАНИЖА ДАВЛАТОВА, сарояндаи замоне овозадори тоҷик имсол расман хабар дод, ки дар шабакаи иҷтимоии “Фейсбук” саҳифа боз кардааст. Баъди солҳои тӯлонии рӯи саҳна набудан, ӯ хабар дод, ки бо овозхонҳои тоҷик ҳамкорӣ дорад ва барои онҳо оҳанг менависад.

ПАРВИНА САИДОВА, модели 28-сола, ки соҳиби панҷ фарзанд аст, дар озмуни зебоии “Miss World Beauty”-и Остона ҷоизаи “Missis International 2016”-ро ба худ ихтисос дод.

ЗАРАФО РАҲМОНӢ, мушовири ҳуқуқии раиси Ҳизби дар Тоҷикистон мамнуи наҳзати исломӣ, ки давоми як сол дар маҳбас буд, 6 сентябр ба озодӣ баромад.

ЗАРИНА ЮНУСОВА, модари Умаралӣ Назаров, тифли 5-моҳаи тоҷик, ки ба таври мармуз дар Санкт-Петербурги Русия даргузашт, имсол ҳам дар сархати расонаҳо буд. Ӯ, ки аз сӯи мақомоти Русия ба Тоҷикистон депорт шуд, ахиран натиҷаи ташхиси тиббии Русия дар мавриди марги писарашро қабул накард.

ШАБНАМИ СУРАЙЁ, овозхони саршиноси тоҷик, барои рақси ду бонуи нимбараҳна ҳангоми сурудхониаш дар шаҳри Ҳамбурги Олмон аз ҷониби мухлисони тоҷикаш танқид шуд. Фаъолони шабакаҳои иҷтимоӣ гуфтанд, чунин рақс дар ҳавои таронаи фолклории “Кабки хушрафтор” хеле нороҳаткунанда аст.

ҲИЛЛАРИ КЛИНТОН, номзад ба мақоми президентӣ дар Амрико аз рақибаш Доналд Трамп шикаст хӯрд.

ЮЛДУЗ УСМОНОВА, овозхони мардумии Узбакистон, ки солҳои зиёд садояш “ҳабс” шуда буд, пас аз сари қудрат омадани Шавкат Мирзиёев ба шабакаҳои телевизионии кишвараш роҳ ёфт.

САША ОБАМА, духтари хурдии Барак Обама, раисиҷумҳури амалкунандаи Амрико ба хотири фосила гирифтан аз зиндагии шоҳона дар Қасри Сафед ба кор дар як тарабхона пардохт. Ин духтари 15 сола дар тарабхонаи ғизоҳои баҳрӣ дар ҷазираи Винеярди Массачусет машғул ба кор шудааст. Кори вай аз соати 7:30-и субҳ то 11 тӯл мекашад.

НАДЯ САВЧЕНКО, халабони низомии Украина, ки барои даст доштан дар куштори ду хабарнигори рус 22 сол аз озодӣ маҳрум шуда буд, моҳи мйи соли равон аз зиндони Русия раҳо гашт.

ХАДИЧА ИСМОИЛОВА, хабарнигори бахши озарии Радиои Озодӣ бо қарори Додгоҳи олии Озарбойҷон аз маҳбас озод гашт. Хонум Исмоилова соли сипаришуда бо ҳукми Додгоҳи Боку дар тақаллуби молӣ муҷрим шинохта шуда, барои 7,5 сол аз озодӣ маҳрум гардида буд.
Мӯҳр
Ghizol Inoyat - бади суруди чони ман бо Садриддин ва консертхояш дар точикистон ва хорича.

Фейк
Соли 2016 аввалин омбудсмани кудак аз хисоби бонувон таъин гардид!

Як хабарнигри дигар буд ку хамчун гумонбари зани дуюми Кабири боздошташ карданд ва баъди экспертиза фахмиданд ки у "Духтар" будааст боз озодаш карданд. номашро фаромуш кардам... Касе агар номашро донад нависад.
Бисёр хабархои ачоибу чолиб сохта буданд дар атрофи номи у)))

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Феврал 2023    »
ДушСешЧорПанҶумШанЯкш
 12345
6789101112
13141516171819
20212223242526
2728 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)