Сардори маориф: Кордзании ҷавонон қассосгирӣ миёни маҳаллаҳо буд
Ҳамидуллоҳ Фақеров, сардори раёсати маорифи шаҳри Душанбе муноқишаи маргбори аввали соли равон дар пойтахтро қассосгирӣ миёни ҷавонони ду маҳалла гуфт.
Фақиров имрӯз, 9-уми январ зимни нишасти матбуотӣ дар Душанбе бо такя ба маълумоти додситонӣ гуфт, муноқишаи маргбори 2-юми январ қассосгирӣ миёни ҷавонҳои ду маҳалла буд, на мактабҳо.
Ӯ афзуд, феълан бо иттиҳоми даст доштан дар ин ҷиноят 15 нафар боздошт шудаанд, ки миёнашон 4 талабаи хориҷшуда аз мактаб ва як нафар хатмкунанда мебошад: “Аксари боздоштшудаҳо аз оилаҳои носолиманд. Ба истиснои ду нафар, ки дар оилаҳои солим тарбият мегирифтаанд, боқимонда дар тарбияи бибию дигар наздиконашон будаанд. Феълан таҳқиқи ин ҳодиса идома дорад”.
Фақеров таъкид намуд, ки бар асоси маълумоти оморӣ қонуншиканӣ миёни ноболиғон кам шудаанд ва аз омма даъват кард, ки ба омор бовар кунанд на овозаҳо.
Тибқи иттилои дафтари матбуоти Вазорати умури дохилӣ 2-юми январи соли 2017, соати 22:00-и шаб ҷавонписарони маҳаллаи 103 ва 102-юми шаҳри Душанбе дар маҳаллаи 104 байни ҳам занозанӣ намудаанд: “Дар натиҷа 2 нафар - Хоҷаев Иброҳим Ибодуллоевич соли таваллудаш 1998 ва Шарифов Сомон Шарофиддинович соли таваллудаш 1999 бо бардоштани ҷароҳатҳои ҷисмонӣ ба ҳалокат расидаанд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |