28 апр 2017 10:34Тоҷикистон / Иҷтимоӣ / Тема дня

Оғози бунёди мактаби байналмилалии Бритониё дар Душанбе

Эмомалӣ Раҳмон, раисиҷумҳури Тоҷикистон ва Рустами Эмомалӣ, шаҳрдори Душанбе имрӯз, 28-уми апрел дар кӯчаи Тӯрақул Зеҳнии ноҳияи Шоҳмансур ба бунёди Мактаби байналмилалии Тоҷикистону Бритониё, ки дорои 420 ҷойи нишаст дар як баст мебошад, оғози расмӣ бахшиданд.

Тибқи иттилои дафтари матбуоти раисиҷумҳури Тоҷикистон арзиши корҳои сохтмонӣ 9 миллион сомонӣ буда, мактаби байналмилалӣ аз ду бинои 5 ошёна бо таҳхона иборат мебошад.

Манбаъ афзуд, ки дар муассиса баъди ба истифода доданаш дар маҷмӯъ 90 нафар бо шуғли доимӣ ва маоши хуб таъмин хоҳанд гардид: “Ҳайати омӯзгорону устодон дар ин муассиса аз доираи беҳтарин муаллимони соҳибкасбу соҳибтаҷрибаи Бритониё даъват гардида, машғулиятҳову дарсҳо ба хонандагон бо истифода аз усули муосири таълим ба роҳ монда мешаванд.Тибқи дурнамо ва мувофиқаҳои қаблӣ бо шарикони бритониёвӣ, дар заминаи Мактаби байналмилалии Тоҷикистону Бритониё ташкил намудани имтиҳоноти қабул барои идомаи таҳсил ба муассисаҳои таълимии таҳсилоти олии касбии Бритониёи Кабир ба нақша гирифта шудааст”.

Дар баробари ин раисиҷумҳур бо писараш дар кӯчаи Аҳмади Дониши шаҳри Душанбе ба сохтмони бинои нави мактаби рақами 31-и ноҳияи Шоҳмансур оғоз бахшиданд: “Мактаби мазкур барои 1280 нафар хонанда дар як баст пешбинӣ шуда, сохтмони он 2 марҳиларо дар бар мегирад. Арзиши лоиҳавии ин муассисаи нави таълимӣ 46 миллион сомониро ташкил медиҳад”.

Раисиҷумҳури Тоҷикистон масъулинро барои анҷоми сохтмон то 1 сентябри соли 2018 муваззаф намудааст, зери бинои феъли мактаби рақами 31 ҳанӯз соли 1937 сохта шуда, барои 390 хонанда пешбинӣ гардидаст: “Вале имрӯз дар ин муассиса 1133 нафар хонанда дар ду баст ба таълим фаро гирифта шудаанд”.

Мӯҳр

Хабарҳои монанд:

Гулбутта

Хамаи мактабхо дар шахр Дар тарафи Гулбутта ва Корвон ягон мактаб мешуда бошад????!!!!!!!

Ҷавоб диҳед Иқтибос Шикоят

модар

Хеле хурсанд шудам аз ин хабархо. Бисёр мехохам фарзандонам дар Мактаби байналмилалии Тоҷикистону Бритониё хонанд.Аз ин ру хохиш мекунам нархи омузиш дар ин мактаб барои зинаи миёнаи хизматчиёни давлати, ки хамаги бо маош зиндаги мекунанд, мувофик бошад. Дар назар бояд дошт, ки минбаъд низ махз фарзандони хамин гурухи одамон ба хизмати давлати мераванд, фарзандони точирону безнисменхо пайи касби падар хоханд рафт.

Ҷавоб диҳед Иқтибос Шикоят

Юсуф

Кори олиҷаноб шудааст. Нархномаи мактаби Бритониёро нашр кунед. Агар тавонем, ягонтаи аз фарзандонро ба он мактаб мегузаронем. Билохира Президент дарк кардааст, ки забони дунё забони англисист, на русӣ. Ҳеҷ гап не, дер бошиву шер бошӣ, гуфтаанд.

Ҷавоб диҳед Иқтибос Шикоят

sorbob

Maosho miyonai muallim dar Britoniyo 2000-3000 funt sterling(takhminan 4-5 hazor dollarro) tashkil medihad. Bad yagon anglis devon nashidaast ki ba Tojikiston omada dars dihas,, I hammash yak jhangom meboshad

Ҷавоб диҳед Иқтибос Шикоят

Юсуф

sorbob,
Гапат қариб дуруст. Онҳо мутахассисонро аз худи Британия не, балки аз дигар кишварҳо мегиранд. Аҳ Ҳинд, Туркия, давлатҳои Африқо. Барои ташкилкунандагони кор маошро мумкин, ки ҳукумати Британия пардохт кунад. Онҳо фондҳои махсус доранд.

Ҷавоб диҳед Иқтибос Шикоят

Эзоҳ илова кунед