Баҳси кофтукоб ва боздошти муттаҳамон дар экстремизм
Кофтукоб ва боздошти муттаҳамон дар ҷиноятҳои хусусияти террористӣ-экстримистидошта аз мавзӯҳои меҳварии ҷаласаи Шӯрои ҳамоҳангсозии мақомоти ҳифзи ҳуқуқи Тоҷикистон буд.
Тибқи иттилои дафтари матбуоти додситонии кул ҷаласа бо ҳузури роҳбарони Вазорати корҳои дохилӣ, Кумитаи давлатии амнияти миллӣ, Агентии назорати давлатии молиявӣ ва мубориза бо коррупсия, Агентии назорати маводи нашъадори назди Президенти Ҷумҳурии Тоҷикистон ва намояндагони дигар мақомот дар бинои додситонии кул баргузор гардид: “Дар ҷаласаи Шӯро ҳолати риоя ва иҷрои Қонун “Дар бораи фаъолияти оперативӣ-ҷустуҷӯӣ” дар қисмати кофтуков ва дастгир намудани ҷинояткорон, аз ҷумла вобаста ба ҷиноятҳои хусусияти террористӣ-экстреистӣ, инчунин иштирок дар фаъолияти таҳрибкоронаи ташкилотҳои экстремистию террористӣ мавриди баррасӣ қарор дода шуданд”.
Баҳси кофтукобу боздошти муттаҳамон дар экстремизм дар ҳолест, ки қаблан намояндаи Додситонии кулли Тоҷикистон аз он изҳори нороҳатӣ кард, ки ҳатто кишварҳои узви СПАД дар террористӣ эълон кардани “ҲНИТ”-у “Гуруҳи 24” ба таъхиркорӣ роҳ медиҳанд. Ӯ гуфт, шомил кардани “ҲНИТ”-у “Гуруҳи 24” ба феҳрасти ягонаи созмонҳои террористию экстремистӣ, мақомоти кишварҳои узвро водор мекунад, ки барои боздошту истирдоди аъзои ҲНИТ-у "Гуруҳи 24" чораандешӣ кунанд.
Шоҳин Талбакзода, намояндаи Додситонии кулли Тоҷикистон ахиран зимни як ҳамоиш дар Душанбе гуфт, гарчанде аз ташкилоти экстремистӣ-террористӣ эълон шудани “ҲНИТ” ва “Гуруҳи 24” муддати зиёд сипарӣ шуд, то ҳол ин ташкилотҳо аз ҷониби бархе давлатҳо ҳамчун ҳизбу ҳаракати ба истиллоҳ оппозитсионӣ дониста шуда, дар баъзе давлатҳо ба аъзои он паноҳгоҳи сиёсӣ низ дода мешавад: “Муҳиддин Кабирӣ, раиси Ҳизби дар Тоҷикистон мамнӯи наҳзати исломӣ ва ҳаммаслаконаш ҳамроҳ бо аъзои ташкилоти мамнӯи “Гуруҳи 24”, бо бурҷи сурх дар пайгарди Интерпол қарор дода шуданд. Бо вуҷуди ин бо истифода аз баъзе пуштибониҳо дар қаламрави Аврупо ва кишварҳои дигар озодона рафтуомад доранд. Вақтҳои охир бо мақсади паст задани обруйу нуфузи ҳукумати ҷумҳурии Тоҷикистон ва раҳоӣ аз ҷавобгарии ҷиноятӣ, бо дастгирии баъзе ташкилоти ба ном ғайридавлатӣ гирдиҳамоиҳо барпо намуда, нисбати ҳукумати ҷумҳурии Тоҷикистон эътирозҳои баръало таҳқиромез баён мекунанд”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |