Раиси бозори “Деҳқон” аз вазифа барканор шуд
Рустами Эмомалӣ, шаҳрдори Душанбе Зиёвиддин Наҷмиддинов, раиси бозори “Деҳқон”-и пойтахтро аз мақомаш барканор кардааст.
Худи Зиёвиддин Наҷмиддинов имрӯз, 1 июн ба “Озодагон” гуфт, далели аз вазифа барканор шуданашро намедонад. Ӯ гуфт, фармони барканориаш як рӯз пеш, 31 май имзо шудааст.
Барканории раиси бозори “Деҳқон” дар ҳолест, ки бо омадани моҳи шарифи Рамазон сокинони пойтахт аз гарон шудани нархи маҳсулоти ниёзи аввал дар бозорҳо шикоят мекунанд. Рӯзи 25 май дар ҳошияи боздиди гуруҳи хабарнигорон аз бозори “Деҳқон”, Зиёвиддин Наҷмиддинов ваъда карда буд, имсол дар моҳи Рамазон иҷозат нахоҳанд дод, ки тоҷирон нархи маҳсулотро тариқи сунъӣ боло баранд. Ба гуфтаи ӯ, барои ҷилавгирӣ аз болоравии нархҳо дар моҳи Рамазон феълан бо беш аз 200 хоҷагии деҳқонӣ аз Хатлон, Суғд ва навоҳии тобеи марказ дар мавриди таъмини маҳсулот шартнома бастаанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |