Президент ба ваъдааш вафо кард: Рустам Азимов аз вазифа барканор шуд
Шавкат Мирзиёев, раисҷумҳури Узбакистон муовини сарвазир -- Рустам Азимовро, ки яке аз рақибонаш дар сиёсат унвон мешавад, аз вазифа барканор кардааст.
“Газета.uz” бо такя ба манобеи худ навиштааст, ин фармон имрӯз, 6 июн имзо шуда ва Рустами Азимов раҳбари ширкати миллии суғуртаи воридоту содирот "Узбекинвест” таъйин шудааст.
Ба итилои манбаъ, президент Ҷамшед Қӯчқоровро, ки аз соли 2005 ба ин сӯ дар мақоми муовини аввали вазири молияи Узбекистон кор мекард, муовини нахуствазир таъйин кардааст.
Рустам Азимови 58-сола солиёни зиёд дар вазифаҳои вазири молия ва муовини сарвазири Узбакистон фаъолият кардааст. Баъд аз марги Ислом Каримов Азимов яке аз номзадҳо ба мақоми президентӣ гуфта мешуд.
30 май дар ҷаласаи Ҳукумати Узбакистон Шавкат Мирзиёев бо интиқод аз кормандони бонкҳову шӯъбаҳои молия Рустам Азимовро низ ки масъули назорати бахши иқтисод аст, сахт танқид кард. Тавре расонаҳо менависанд, Мирзиёев дар хитоб ба муовини сарвазир гуфтааст: "Бояд ту ҳамчун раҳбари бахши иқтисодӣ ин бонкирҳоро даъват кунӣ, то аз рӯи виҷдон кор кунанд! Чаро ин корро намекунӣ? Чунки ту аз вазорати молия метарсӣ. Чунки мансабдорони ноҳиявиро одаме ки дар Тошканд нишастааст, таъину барканор мекунад. Вале дар асл ман бояд туро аз кор пеш кунам”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |